Cond sij allen lieden dat arnt vanden putte van werchte(r) es come(n)/ in jegewoirdicheiden der scepene(n) van loeven(e) en(de) heeft genome(n) en(de) bekent/ dat hij genome(n) heeft tegen janne vander beke van rode bij cortelke die/ ov(er)mids vo(n)nisse van scepen(en) brieve(n) van loven(e) beleidt es tot den goede(n)/ beruerlic en(de) omberuerlic he(re)n jans vand(er) bruggen he(re) tot blaersvelt ridders/ thof des be dat den selve(n) h(ere)n janne toe te behoe(re)n plach en(de) nu/ den voirs(creven) ja(n)ne vand(er)beke mids macht vande(n) voirs(creven) beleide toebehoirt/ gelegen te haeght met allen den goede(n) dair toe hoe(re)nde en(de) alle(n)/ ande(re)n sijne(n) toebehoirte(n) Te houden te hebben en(de) te wynne(n) van/ halfm(er)te naest come(n)de ene(n) t(er)mijn van twelf jae(re)n langc deen/ nae dand(er) staphans sond(er) middel volgen(de) Elx jairs dae(re)n bynne(n)/ om en(de) voe(r) vijfendertich g(ri)pen te wete(n) xl pl(acken) alsulkx als telke(n)/ t(er)mine van betalinge(n) gemeynlic in burse(n) gaen sele(n) voir elc vande(n) voirs(creven)/ gripe(n) gerekent alle jae(re) te kersmisse te betalen den voirs(creven) t(er)mijn due(re)nde/ en(de) telke(n) t(er)mine als vervolghde schout It(em) es vorwarde dat de voirs(creven)/ wynne de huyse vande(n) voirs(creven) hove houde(n) sal wel en(de) loflic in goeden/ state gelijc sij nu sijn sijne(n) t(er)mijn due(re)nde It(em) sal de selve wynne/ de voirs(creven) goede late(n) tsijne(n) afsceide(n) gelijc hijse vijnde(n) sal tsijne(n) aencome(n)/ It(em) wairt alsoe dat e(n)nige vande(n) voirs(creven) huyse(n) viele(n) bynne(n) den voirs(creven)/ t(er)mine van wijnde oft onwede(re) dat niet bij en quame in ocsuyn van/ quade(n) houde(n) dair inne en sal de wynne niet gehoude(n) sijn It(em)/ es noch vorwairde dat de voirs(creven) wynne bynne(n) den voirs(creven) sijne(n)/ t(er)mine opte voirs(creven) goede sette(n) sal een eens xii appelboeme/ wassende blive(n)de It(em) wairt alsoe dat de wynne voirs(creven) der voirs(creven)/ goede quijt sijn woude en(de) sceide en(de) d(aer) aff sceide(n) dat hij dat/ sal moege(n) doen ten halve(n) tijde op also dat hij dat een jair te/ voe(re)n den voirs(creven) ja(n)ne dat kundige(n) sal en(de) late(n) weten It(em) sal de/ voirs(creven) wynne den voirs(creven) janne jairlix noch gheve(n) den voirs(creven) t(er)mijn/ due(re)nde tot paesscen vi keese en(de) c eye(re) Ende dese vorwarde(n)/ alle en(de) yegewelke voirscr(even) hebbe(n) geloeft de voirs(reven) jan vand(er) beke/ in deen zijde en(de) de voirs(creven) wynne(n) in dande(r) malc ande(re)n vast ende/ / gesteedich te houde(n) ende te voldoen tallen tijden en(de) t(er)mine(n) als sij/ vallen ende verschine(n) sellen en(de) telken t(er)mine als vervolghde schout/ Hier aff sijn borge(n) des voirs(creven) wynne(n) als p(ri)ncipael sculde(re)n onge/ sundert en(de) ongesceide(n) en(de) elc voir al [jan vanden putte sijn soen ende] (christ)offels van haeght nu/ ter tijt meyer te haeght [en(de)] jan van vander putte des voirs(creven) wynne(n)/

soen welke borghe (christ)offels de voirs(creven) arnt vande(n) putte en(de) jan/ sijn soen geloeft hebben hier aff altijt scadeloes en(de) co(m)merloes te/ houden en(de) tontheffen pynnoc velde augusti xi