Item want and(er)wile voe(r) scepen(en) van loeven bi (con)sent van p(ar)tijen/ gevorwerdt is van alsulken iiii mudde(n) rogs lovensch(er) maten/ lijfpensien ten live kath(er)ine(n) amelrics peters en(de) geertruyde(n) kijnde(re)/ henrics wile(n) lovenwech te wete(n) te(n) live elcs va(n) hen een mudde/ als henric vand(er) hoeve(n) van keerb(er)gen met sine(n) burghen v(er)cocht/ hadde de(n) vors(creven) kijnde(re)n gelijc scepen(en) brieve va(n) loeve(n) d(aer) op
//
gemaect begrepe(n) en(de) inhielde(n) dat geboret also dat de vors(creven)/ henric de vors(creven) iiii mudde corens afquite datmen tghelt d(aer) af alt(oes)/ wed(er) aenlegge(n) sal en(de) d(aer) mede opde vors(creven) kynde(re) lijfpe(n)sien copen/ gelijc voirscr(even) steet Behoudelike(n) dien dat jan vand(er) haghen den/ pacht d(aer) af sijn leefdage lanc heffen en(de) boere(n) sal Daerom/ eest dat de vors(creven) henric vand(er) hoeven de(n) vors(creven) ov(er)draghe na/ volgende tv de vors(creven) iiii mudde core(n)s afgequijt heeft en(de) tghelt/ d(aer) af gesett op d(er) stat [den] wissel onder bartelmeeus de(n) hont/ Te dien eynde datme(n) tvors(creven) gelt wed(er) aenlegge(n) sal op de/ voeghe gelijc tvors(creven) v(er)drach van voe(r) inheeft Cora(m) velde/ naen aug(usti) xxii anno xxxv