SAL7729, Akte: R°244.1 (207 van 363)
Akte R°244.1
Act
Datum: 1436-02-01
Taal: Nederlands
Transcriptie
2020-03-01 door kristiaan magnusIt(em) joffr(ouwe) geertruyt weduwe gielijs wile(n) vand(er) balct/
vand(er) vuere(n) heeft bracht ond(er) scepen(en) va(n) loeve(n) in/
handen dierics vande(n) elzen sec(re)tar(is) d(er) stat va(n) loeve(n) ene(n)/
beleydt brief daermede pet(er) wile(n) van nethene(n) geleydt was/
tot de(n) goede(n) des vors(creven) wile(n) gielijs vand(er) balct Beghe(re)nde/
willecoe(re)nde en(de) ov(er)ghevende datme(n) mette(n) vors(creven) beleydtbrieve/
niet w(er)ken en sal in neghene(n) synne(n) het sijn in goedingen/
of anders ten sij met wete(n) wille en(de) eendrechticheyden van/
hae(r) en(de) van gielise wille(m)me en(de) ywane(n) hae(re)n sone(n) samentlic/
en(de) dat negheen va(n) hen besund(er) de(n) brief hebbe(n) en sal ten sij/
dat si samentlic d(aer) om comen [En(de) oec datme(n) de selve(n) brief niet ov(er)geve(n)
en sal ten sij dat dbeleydt quijtgescoude(n) w(er)de(n) tot de(n) goede(n) va(n) heyleshem
des vors(creven) gielijs also v(er)re als dat jan madea letsel letten mach of hind(er)
gedrage(n) van xviii mudde(n) rogs erflec pachts die hi opte selve goede v(er)cregen heeft]
Calstr(is) wit(te)[ma(n)] febr(uarii) p(ri)ma
Nagekeken door: Karel Embrechts
Moderator: Karel Embrechts
Laatste update:: 2016-06-08 door Agata Dierick