It(em) meest(er) pet(er) boet als rentmeest(er) des he(re)n van arscot in/ jege(n)w(er)dich(eit) d(er) scepen(en) va(n) loeve(n) gestae(n) heeft gegeve(n) en(de)/ bekendt dat hi gegeve(n) heeft pete(re)n bollens molde(r) de/ wat(er)mole(n) te w(er)de toebehoe(re)nde de(n) he(re) va(n) arscot voirscr(even)/ Te houde(n) en(de) te hebbe(n) van sente jans misse naest comende/ ene(n) t(er)mijn va(n) drie jae(re)n lanc deen na dand(er) d(aer) na sond(er)/ myddel volgende elx jaers daer en bynne(n) om twintich/ mudde rogs goede en(de) payabel te wete(n) alsulke(n) als de/ vors(creven) mole(n) jaerlex wynne(n) sal d(er) maten va(n) loeven alle jae(re)/ half tse te kersmisse en(de) half ts(in)t jans misse bap(tis)[te(n)] te/ betale(n) en(de) tot loeven [daer de(n) vors(creven) meest(er) pete(re)n genuege(n) sal] te leve(re)n en(de) telke(n) t(er)mijn alse/ v(er)volghde schout Ite(m) sal de vors(creven) pet(er) de vors(creven) mole(n)/ de(n) vors(creven) t(er)mijn duer(ende) wel en(de) loflic bedrive(n) en(de) v(er)wae(re)n van/ onv(er)tollige(n) wat(er) en(de) v(er)hueden van brande die van sinen/ wege(n) toecome(n) mocht d(aer) af hi op dat dat geschiede de(n) vors(creven)/ re(n)tmeest(er) richtinge en(de) rastoer doen soude ter taxatien/ va(n) goede(n) knapen die hen des v(er)staen It(em) heeft geloeft/ de vors(creven) meest(er) pet(er) als rentmeest(er) voirscr(even) de vors(creven) molen/ de(n) t(er)mijn voirs(creven) duer(ende) te houden va(n) alle(n) kerende(n) w(er)ke/ en(de) dmolenhuys van wande en(de) va(n) dake En(de) is vorw(er)de/ dat de vors(creven) pet(er) de(n) vors(creven) t(er)mijn due(rende) op dbosch va(n) merdal/ sal mogen weyde(n) ii coeye sond(er) d(aer) af e(n)nige huere/ te geve(n) en(de) dat op spruyten va(n) vier jae(re)n out en(de)/ niet d(aer) benede(n) En(de) hier af sijn borge(n) des vors(creven) peters/ / alse p(ri)ncipale sculde(re)n [ongesund(er)t en(de)] ongescheide(n) mychiel en(de) jan va(n) breedzijp gebruede(re)/ de welke de vors(creven) pet(er) hier af geloeft heeft scadeloes en(de) co(m)m(er)loes/ te houde(n) en(de) tontheffen pynnoc abs(oloens) junii xi