Van janne oeden/ It(em) want jan oeden soen goessens oeden van westerle die nae/ de heerlicheit ons genedichs he(re)n sh(er)togen van bourg(oignen) ende/ van brab(ant) ende nae sijnre stat recht van loven(e) come(n) en(de) geleidt/ is tot den omberuerliken goeden des voirs(creven) goessens oeden sijns vaders/ ende de selve jan dien acht(er)volge(n)de te loven(e) inne hadde doen/ scrive(n) willem(me) scatters mits dat hij de op e(n)nige vande(n) voirs(creven)/ goeden onder de banck van westerle recht vervolghde den/ drossete en(de) scepen(en) aldair versuekende dat sij gheen recht opte/ voirs(creven) goede aldair vorde(re)n en wouden Ende ten dage dien de/ p(ar)tijen nae den rechte der stat van loeven(e) gescreve(n) en(de) betekent/ was den voirs(creven) janne oeden aldair come(n)de dair de voirs(creven) wille(m)/ scutters niet en qua(m) dede de voirs(creven) jan oeden inden rechte aldair/ lesen de goede hier nae bescreve(n) Inden yersten (½) boender beemts/ gelegen te laetvoirt gehete(n) den rabeysberch tusscen de goede lyeve(n)/ zuetmans in beyde(n) sijden It(em) een eeusselken ten gelege(n) opten/ scaepwasch tussce(n) de goede oliviers van wesemale en(de) de goede/ alarts vander lynden It(em) een (½) dach(mael) beemts gelege(n) opt voirt/ ken tusscen tselve voirtken en(de) de goede jans van bondele/ Item ii bloeke heyden dat voirmaels lant te sijn plach gehete(n)/ / de jacobs hoeve gelege(n) tzoirle tusscen de goede des voirs(creven) willems/ scutters en(de) de goede lodewijx vanden moirte(re) in deen zijde en(de)/ de goede jans fyen fijns in dande(re) It(em) een bloexken gehet lands/ gehete(n) tstraterbloexke(n) gelegen tusschen de goede wouters vande(n)/ wolputte en(de) de goede reyners vanden loekele It(em) huys ende/ hoff met sijne(n) toebehoirte(n) gelege(n) te zoirle opte hegge tussce(n)/ de goede arts vand(er) strate(n) ende de goede yden ghisels Item/ ene(n) beemt gelege(n) opte koedonck houden(de) een dach(mael) tusscen de/ goede h(er)mans alite(n) en(de) de goede gielijs meys It(em) een heythoeve/ geheten doonsvenne gelege(n) tusscen de strate aldair en(de) de goede/ jans gheeronx Item een stuxken lands gelege(n) opt nethelvelt/ tusscen de goede ja(n)nes creyts en(de) de goede gielijs meys/ Versuekende de voirs(creven) jan oeden aen de meye(r) van loeven(e)/ want sijn wederp(ar)tie voirscr(even) aldair niet come(n) en wae(re) datme(n)/ hem houde(n) woude in sijne(n) beleide en(de) beg(er)de d(aer) op de scepen(en)/ van loven(e) gemaent te werden Dwelc de meye(r) van lov(en)/ also gesciede dair de scepen(en) van loeven(e) wijsden voir een vo(n)nisse/ datmen den voirs(creven) janne oeden vanden voirs(creven) goede(n) houde(n) soude/ in sijne(n) beleide also verre alst noch voir scepen(en) van loeven(e)/ come(n) es pynnoc abs(oloens) calst(ris) wittema(n) hugarden velde/ naen nove(m)br(is) xix