Van henricke(n) back die nae den rechte der/ stat van loven(e) geleidt is tot den goeden/ wautgheerts wilen vand(er) haghen/ Item want henric back van bercheyck anderwilen eer hij met/ meyer en(de) scepen(en) van loven(e) nae den rechte der stat van loven(e) geleit/ was tot den goeden wautgheerts wilen vand(er) hage(n) sijns zwag(er)s/ geloeft heeft voir scepen(en) van loven(e) dat hij nae goetduncke(n) vande(n)/ raide der stat van loven(e) katline(n) wedewe des voirs(creven) wile(n) wautgheerts/ vand(er) hagen van hoe(r) tocht vande(n) goede(n) des selfs wilen jans versien/ sal ende hier nae gord vande(n) wyele wittich man en(de) momboir der/ voirs(creven) katlinen den voirs(creven) henricke(n) back te loven(e) inne dede(n) scrive(n) om/ der tocht wille die de voirs(creven) katline meynde te hebbe(n) opte goede voirscr(even)/ dair de selve gord vande(n) wyele en(de) katlijn sijn wijf den voirs(creven) henr(icken)/ met alsulken(e) redene(n) en(de) woirde(n) als sij meynde(n) dat hen in hoe(re)n rechte/ dyene(n) mochte aensprake(n) vand(er) tocht en(de) duwarien die de voirs(creven) katlijn/ yesch opte goede voir geruert Dair op hem de voirs(creven) henr(ic) back verant/ werde met alsulken woirde(n) als hem in sijne(n) rechte diene(n) mochte(n)/ in welken processe gelijc voirscr(even) steet tgoetduncke(n) vande(n) raide vand(er)/ stat geruert wairt ende dan uut dien de scepen(en) van loven(e) gewijst/ hebben voir een vo(n)nisse dat sij de p(ar)tien van des voirs(creven) es geset hebbe(n)/ inden raide vand(er) stat Dair om eest dat de raet vand(er) stat van/ loven(e) bij goeder conde(n) yerst gewete(n) en(de) aengehoirt de weerde va(n)de(n)/ goede(n) voirscr(even) dwesen vande(n) selve(n) goede(n) de gelegenheit en(de) theer/ come(n) vander saken ende de me(n)nichfuldicheit vanden kijnde(re)n des/ voirs(creven) wilen wautgheerts get(er)mineert en(de) uutgesproke(n) heeft voir/ reden ende recht dat de voirs(creven) katline vande(n) goede(n) voirscr(even) jairlix/ voir hoir tocht ende duwa(r)ie also lange als sij leve(n) sal hebben sal/ acht mudde rogs goet en(de) payabel der mate(n) van strathum/ alle jae(re) tons(er) vrouwe(n) lichtmisse te betale(n) also lange als de voirs(creven)/ katlijn leve(n) sal Op alsulke(n) voege dat de voirs(creven) katlijn en(de) gord vande(n)/wile wyele de voirs(creven) acht mudde rogs niet en sele(n) moege(n) v(er)copen/ verande(re)n noch versette(n) mer puerlic d(aer) af leve(n) en(de) mariken die/ dochter es der voirs(creven) katline(n) oec dair op houde(n) ende oft des niet/ en gesciede en(de) de voirs(creven) mariken vander voirs(creven) katline(n) hoe(r) moed(er)/ schiede dat dan de selve mariken vande(n) voirs(creven) viii mudde(n) rogs/ ii mudde jairlix hebbe(n) sal also dat de voirs(creven) katlijn alsdan mer/ de vi mudde vande(n) voirs(creven) viii mudden jairlix hebben en(de) heffen/ sal/ / sal ende hier mede sal de voirs(creven) katlijn van hoe(r) tocht en(de) duwarien/ vande(n) voirs(creven) goeden te vreden moete(n) sijn sond(er) hoir meer rechts/ aen de voirs(creven) goede te hebben oft te behouden Hier inne meer/ verclaert oft e(n)nich vande(n) p(ar)tien e(n)nige brieve oft ander saken hadde/ des(er) t(er)minacien en(de) uutspraken contrarie(re)nde dat die als in desen niet/ en selen sijn mer datme(n) die legge(n) en(de) brenge(n) sal in gewarig(er)/ hant alsoe dat de voirs(creven) t(er)minacie dair bij niet gecrenct noch/ vermyndert en sal werden Van welken viii mudde(n) rogs die de/ voirs(creven) katlijn hoir leefdage langc hebben sal men der selver katline(n)/h behoirlike ende goede vesticheit doen sal alsoe dat sij dair af vast/ ende seker sijn sal ter goeder meyni(n)gen ende sond(er) argelist cor(am)/ kersmake(re) voshem burgim(a)g(ist)ris in pleno consilio p(rese)ntib(us) om(n)ib(us)/ scabinis xxv die mens(is) maii

Hier op [en(de) op de brieve] es/ gegeven/ v stuyvers/ en(de) iii dornixe/ cromst(er)te