Item want jan coeck van testelt in deen zijde en(de) jan de rike van zichen(en)/ barbier in dande(re) in geschille gestaen hebben van alrehande saken dair af sij/ voir scepen(en) van loven(en) in segge(re)n verbonde(n) en(de) gesubmitteert sijn gelijct/ co(m)promis dair op gemaect volcomelic begrijpt en(de) inhelt dair om/ eest dat gheert de molde(re) en(de) wouter jans soen alse segge(re)n jans rike(n)/ in deen zijde en(de) ja(n)nes hovelma(n) en(de) jan vekema(n) alse segge(re)n jans coeck/ in dande(re) come(n) sijn voir scepen(en) van loven(e) yerst aengehoirt dbesceit en(de)/ thoenis van beyde den p(ar)tien en(de) hebbe(n) geseeght voir hoir seggen/ nae dat sij de saken bevonde(n) hebben dat de voirs(creven) p(ar)tien geslete(n) verenicht/ en(de) goede gevriende sijn sullen van alle(n) saken dair af sij tot opte(n) dach/ toe des co(m)promis voir geruert in geschille wae(re)n en(de) dat die saken onder/ hen staen en(de) blive(n) sellen oft sij nye gesciet en wae(re)n Ende van allen/ costen die de voirs(creven) p(ar)tien hier om bute(n) loven(e) gedaen moege(n) hebben dair/ af sal een yegelijc gheve(n) dat en(de) gestaen met dat hij uutgegeve(n) heeft
//
Mair vanden costen die gedaen sijn tot jannes hovelmans en(de) tande(re)n/ plaetsen bynnen loven(e) dair af sal de voirs(creven) jan de rike de tweedeel/ betale(n) en(de) de voirs(creven) jan coecke dander derdendeel allen argelist/ hier in uutgesceiden capellema(n) ov(er)wynge iunior ja(nuarii) xi