SAL7730, Act: R°291.1 (286 of 429)
Search Act
previous | next
Act R°291.1  
Act
Date: 1437-03-06

Transcription

2019-10-29 by Yves Sergeant
Item want jannes ympels gehete(n) int pater noster houdende es en(de)/
vercregen heeft sesse zwair crone(n) erflik(er) rente(n) die te quite(n) staen/
soe wa(n)neer men wilt elken pe(n)ninc van lichtmisse lestlede(n) ov(er) vijf/
jair dair naest volgende elke(n) pe(n)ninc met achthiene(n) en(de) met/
vollen tsijse opte goede die jacob vande(n) bossche vercocht heeft lyeve(n)/
zuetma(n) gelegen te tongerloe en(de) aldair omtrent Dair voe(r) oec/
de goede des voirs(creven) jacobs vande(n) bossche te sceplaken inde p(ro)chie van/
eelwijt gelege(n) verbonde(n) en(de) ond(er)pant sijn Dair om eest dat de/
voirs(creven) lyeve(n) zuetma(n) come(n) es voir scepen(en) van loven(e) en(de) heeft/
geloeft openbairlic den voirs(creven) jacob vande(n) bossche dat hij des selfs/
jacobs goede also v(er)re die pant sijn voir de voirs(creven) sesse crone(n)/
erflic(er) lossen en(de) ontheffen sal vande(n) voirs(creven) sesse crone(n) aen den/
voirs(creven) ja(n)nes ympels van lichtmisse lestleden ov(er) drie jair dair/
naestvolgende sond(er) argelist Ende des sijn borge(n) des voirs(creven) lyeve(n)s/
als p(ri)ncipael sculde(re)n ongesund(er)t en(de) ongesceide(n) en(de) elc voir al/
berthelmeeus de hont wissele(r) en(de) henric de weeke(re) p(ri)mus
ContributorsWalter Winnelinckx
Moderated byWalter Winnelinckx
Last update: 2016-02-03 by xavier delacourt