SAL7730, Act: R°293.3 (288 of 429)
Search Act
previous | next
Act R°293.3  
Act
Date: 1437-03-08

Transcription

2019-11-28 by Yves Sergeant
It(em) symoen merghet cled(er)make(r) heeft v(er)huert met orlove tshe(re)n vande(n) gronde/
kath(er)ine(n) weduwe henrics wile(n) dierics cled(er)mak(er)s een cleyn camerke(n) mett(er) scouwen/
staende opte(n) vloer int huys des vors(creven) symoens gelege(n) inde proefst(ra)te tussche(n) de/
goede henrics wilen pynnoc en(de) thuys gehete(n) de(n) uule te same(n) mett(er) came(re)n gehete(n)/
de acht(er)ste came(r) metten solde(r) bove(n) de coeken int selve huys Behoudelic de(n) vors(creven) symoe(ne)/
sine(n) ganck ov(er) de(n) solde(r) vors(creven) als hi des te doen hebbe(n) doen [sal] Te houde(n) en(de) te hebben also/
langhe als de vors(creven) kath(er)ine leven sal en(de) niet lange(r) om een seke(re) so(m)me ghelts/
daer af de vors(creven) symoen hem bekendt heeft bid(er) selv(er) kath(er)ine(n) volcomelic genoech/
gedaen zijnde D(er) selv(er) kath(er)ine(n) d(aer) af te mael quijtscheldende En(de) is vorw(er)de dat/
de voirs(creven) kath(er)ine opte cleyn [heymelicheyt] ald(aer) acht(er) inde(n) hof des vors(creven) symoens staende/
hae(re)n toeganc hebbe(n) sal also langhe als si leve(n) sal Voert is claerlic ind(er)/
voirs(creven) hueringhen ondersproken waert also dat de vors(creven) kath(er)ine de vors(creven) /
hueringhe ov(er)gheven woude en(de) inde vors(creven) came(re)n mette(n) vors(creven) symonen/
niet en woude bliven dwelc sij doen mach dat dan de vors(creven) symoen/
d(er) selv(er) kath(er)inen gheven en(de) betalen sal van dien daghe ov(er) een jae(r)/
na dat si uut de(n) vors(creven) goede(n) scheyden sal welke(n) dach men [sal] tekenen sal/
vijf gulden peters d(er) mu(n)ten van loeven vand(er) slage h(er)toge philips h(er)toge/
van bourg(oign)[en] en(de) va(n) brabant oft de werde d(aer) af en(de) so voert aen alle jae(re) d(aer)/
[(n)a sond(er) middel volgen(de)] opte(n) selven dach die also getekent zijn sal vijf gulden peters voirg(eruert) [te betale(n)] also/
langhe als de vors(creven) kath(er)ine sal leven en(de) niet langhe(r) En(de) om der/
meerd(er) sek(er)heyt d(er) selv(er) kath(er)inen d(aer) af te doen So heeft de vors(creven)/
symoen sijn huys en(de) hof voirg(eruert) hae(r) [iii(½) orlove tshe(re)n va(n)den g(ro)nde] in tytle van gerechte(n)/
ond(er)pande gesett cap(elle)[man] smet martii viii
ContributorsWalter Winnelinckx
Moderated byWalter Winnelinckx
Last update: 2016-02-03 by xavier delacourt