SAL7730, Act: R°321.1 (310 of 428)
Search Act
previous | next
Act R°321.1  
Act
Date: 1437-03-21

Transcription

2020-03-15 by Yves Sergeant
It(em) van alsulke(n) gedinghe als nu onlanx voe(r) meye(r) en(de) scepen(en) van loeve(n)/
geweest is tussche(n) gheerde van dieve die na den rechte d(er) stat van/
loeve(n) comen is tot de(n) goede(n) van wijchmael in deen side en(de) brued(er)/
jacob vande(n) broeke conveers des godshuys van bethleem inde(n) name/
vande(n) selve(n) godshuyse in dande(re) van seke(re)n mansscap van leene die/
de vors(creven) gheert van dieve meyndde dat tvors(creven) godshuys hem inde(n) coep/
vande(n) vors(creven) goede(n) van wijchmael mede v(er)cocht hadde d(aer) af hi de(n) vors(creven)/
brued(er) jacob inde(n) name vande(n) voirs(creven) godshuyse va(n) bethlem aensprack/
meynende en(de) inde(n) recht seggende dat hi die manscap hebbe(n) soude na/
inhebbe(n) vand(er) come(n)scappe(n) vande(n) voirs(creven) goeden daer te dier tijt int recht/
gelesen worden seke(re) scepen(en) brieve va(n) loeve(n) d(aer) mede d tvors(creven) godshuys va(n)/
bethleem tot de(n) vors(creven) goede(n) va(n) wijchmael comen was Heeft tvonnisse/
d(er) scepen(en) va(n) loeve(n) gewijst dat na alsulke(n) aensprake als de vors(creven)/
gheert va(n) dieve gedaen hadde tot de(n) vors(creven) brued(er) jacob inden/
name vande(n) vors(creven) godshuyse de(n) selve(n) godshuyse gheen ontstade doen/
en sal also v(er)re alst noch voe(r) scepen(en) va(n) loeve(n) comen is k(er)smake(re)/
roelofs smacht borch(oven) capellema(n) ov(er)wynghe iunior smet m(ar)tii xxi
ContributorsWalter Winnelinckx
Moderated byWalter Winnelinckx
Last update: 2016-02-03 by xavier delacourt