Cond sij allen lieden dat henrick rubloet van meerbeke bij ev(er)sb(er)ge es/ come(n) in jeg(enwordicheit) der scepen(en) van lov(en) en(de) heeft gehuert en(de) bekent dat/ hij gehuert heeft tege(n) willem(me) van b(er)them en(de) janne lonijs/ sine(n) zwag(er) de weye vanden bossche des voirs(creven) willems en(de) jans/ gelege(n) te b(er)them aen de ve(r)vanenstrate tusscen de goede henrix/ van schoe(r) en(de) de selve st(ra)te Te houde(n) en(de) te hebbe(n) van j? op den/ yerste(n) dach van m(er)te lestlede(n) ene(n) t(er)mijn van sesse jae(re)n langc/ dair nae sond(er) middel volgen(de) elx jairs dae(re)n bynne(n) om iii drie/ mudde evene(n) goet en(de) payabel d(er) mate(n) van loven(e) a te sente/ m(er)tens misse inde(n) wynt(er) te betale(n) en(de) te b(er)them te leve(re) dairt/ den voirs(creven) willem(me) en(de) janne best gelieve(n) sal te leve(re)n jairlix den/ voirs(creven) t(er)mijn due(re)nde en(de) telke(n) t(er)mine als vervolghde schout It(em) en/ es vorw(er)de dat de voirs(creven) henric rubloet sijn beesten niet en sal moege(n)/ drive(n) opte spruyte(n) vande(n) voirs(creven) bossche voir dat sij twee jair out sijn/ En(de) de selve henr(ic) en sal int [hout vande(n)] voirs(creven) bosche gheen recht hebben/ cap(elle)[ma(n)] smet sab(ba)[to] p(ost) festu(m) pasche