It(em) want stoet en(de) geschille opverstaen wae(re)n tusschen henr(icke) van/ diest bastart in deen zijde en(de) janne vand(er) hofstat tnatuerlic soen/ vranx wilen vand(er) hofstat in dande(re) Alse van ii[c] gul(den) crone(n) die de/ voirs(creven) henr(ic) den voirg(enoemde) janne eysschende es van alsulke(n) rente(n) als
//
m(ijn) genedige he(re) den voirg(enoemde) henr(ic) bewijst hadde opte dorp [rente(n)]/ van meerhout Soe sijn beyde de voirs(creven) p(ar)tien des come(n) voir/ scepen(en) van lov(en) en(de) sijn vande(n) voirs(creven) stote bleve(n) en(de) hebben hen/ des gekeert in segge(re)n en(de) vrientlic yssene(re)n Te wete(n) de voirs(creven)/ henr(ic) in jonck(ere)n henricke van rotselair en(de) jonck(er) ja(n)ne he(re) tot/ scoonhove(n) en(de) de voirs(creven) jan vand(er) hofstat in he(re)n ja(n)ne he(re) te rotsel(air)/ te vorslair en(de) te rethy en(de) jonck(er) ja(n)ne van witham he(re) tot/ bout(er)shem en(de) te huldenb(er)ge in alsulk(er) vuege(n) dat de voirs(creven) henr(ic)/ sijne(n) eyssch sette(n) sal in gescrifte en(de) dien ov(er)geve(n) den segge(re)n/ des voirs(creven) jans oft den ene(n) van hen bynne(n) xiiii nachte(n) naest/ come(n)de dair op de voirs(creven) jan sijn verantw(er)den na make(n) sal en(de) oec/ in gescrifte ov(er)geve(n) den segge(re)n des voirs(creven) henrix oft den ene(n) van/ hen bynne(n) xiiii nachte(n) dair naest volgen(de) welke segge(re)n/ eysch en(de) verantw(er)de(n) ov(er)gehadt van beyde(n) den p(ar)tien voirs(creven) en(de)/ oec thoenis op dat sijs behoefden hoir seggen dair aff seggen/ en(de) uutene(n) selen bynne(n) xiiii nachte(n) dair naest volgende op dat/ sijs eens en(de) van accoerde sijn Ende of sijs niet eens en consten ge/ worden dat sij dan come(n) selen met allen den besceide dat sij ov(er)hebbe(n)/ selen aen de scepen(en) van loven(en) bynne(n) xiiii nachte(n) dair nae naest/ volgende en(de) halen des een vo(n)nis gelijc ofts p(ar)tien met rechte/ gedingt hadden Ende es vorw(er)de wairt dat e(n)nig(er) p(ar)tien segger gebrake/ dat die ene(n) ande(re)n in sijn stat soude moegen setten en(de) kyesen sond(er)/ argelist Ende hebben geloeft beyde de p(ar)tien voirg(enoemt) vast en(de) bequame/ te houden (et)c(etera) borch(oven) cap(elle)[ma(n)] aprilis xvi