Van janne brant en(de) ghijsbrecht tay Item want ghijsbrecht tay die ov nae den rechte der stat van/ loven(en) come(n) en(de) gheleit is tot den goeden h(e)r(e)n aernts wilen van/ craeyenhem he(re) tot grobbendonck ridders soe wair die belege(n) sijn ende/de selve ghijsbrecht in rechte steet inde banck voe(r) den drossate ende/ scepen(en) van westerle jege(n) jonck(er) ja(n)ne hee(re) tot wezemale en(de) tot phalays/(et)c(etera) oft ja(n)ne van oestvorst den jonge(n) inde(n) name van hem van c oude(n)/ cleyn gul(den) erflek(er) rente(n) die de voirs(creven) ghijsbrecht van des voirs(creven)/ wilen h(e)r(e)n aerts wege(n) meyndt te hebben op de thienden des voirs(creven)/ jonck(er) jans van westerle van zoerle en(de) van ghyndel niet hoe(re)n toe/ behoirte(n) Soe eest dat come(n) sijn voir scepen(en) van loven(en) de voirs(creven)/ ghijsbrecht tay in deen zijde ende jan ende peter brant gebruede(r)/ inde(n) name en(de) van wege(n) aerts brant soen des voirs(creven) jans brant/ den welken de selve gebruede(r) hier inne gelooft hebben te vervaen/ in dander zijde en(de) sijn underlinge eens worden en(de) met malcande(re)n/ aengegaen de vorwarden hier nae bescreve(n) Inde(n) yerste(n) es vorw(er)de/wairt also dat de voirs(creven) ghijsbrecht tay tvoirs(creven) gedinge voirt uut/ volvue(re)n en(de) voleynden sal wel en(de) getruwelic [gelijc en(de) inder selver manie(re)n] oft sijns selfs sake/ wae(re) en(de) sonder sijne(n) cost op cost en(de) last des voirs(creven) jans en(de) peters/ brant Ende oft also wae(re) dat de voirs(creven) ghijsbrecht tvoirs(creven) gedinge/ verloe(r) soe v es vorwairde dat de voirs(creven) jan en(de) peter brant dan/ter stont als tvoirs(creven) gedinge verloe(re)n sijn sal den voirs(creven) ghijsbrecht/ tot sijnre manissen betalen sullen? alse voir alsulken l gul(den) als/ der voirsc(reven) wilen h(er) aert den voirs(creven) ghijsbrecht in sine(n) testame(n)te/ gelate(n) en(de) gemaect heeft vijfhondert alsulk(en) gul(den) als dair/ tvoirs(creven) gedinge om es eens [oft de weerde dair af] met alsulke(n) achterstelle alsmen/den l vande(n) voirs(creven) l gul(den) alse den voirs(creven) ghijsbrecht gevallen/ sijn selen met den naeste(n) t(er)mine toec die alsdan toecome(n)de/ sijn sal sijder der doet des voirs(creven) h(e)r(e)n aerts op alsoe want den/ voirs(creven) ghijsbrecht op sijn voirs(creven) rente geleent sijn ii(½)[c] gul(den) peters eens/ dat he me(n) die vand(er) voirs(creven) so(m)men afslaen sal Behoudelic oic/ dien datme(n) de voirs(creven) so(m)me gelts alsdan neme(n) sal van ene(n) hove/ gehete(n) ter hulsendonc met sijnen toebehoirte(n) gelege(n) inde p(ro)chie/ van ouden den welken men vercope(n) sal en(de) der vrouwen wedewe/ des voirs(creven) wile(n) h(e)r(e)n aerts van hoe(re) tocht vernuege(n) en(de) dat de
//
voirs(creven) ghijsbrecht dan die goede uut sijne(n) voirs(creven) beleide go den coope(r)/ goeden sal It(em) wae oft also wae(re) dat de voirs(creven) ghijsbrecht/ tvoirs(creven) gedinge wo(n)ne soe es vorwairde dat de voirs(creven) ghijsbrecht/ alsdan sijne(n) coeze hebben sal weder hij de voirs(creven) c gul(den) half/ sijn leefdage langc heffen wille gelijc voir sijn voirs(creven) l gul(den) die/ hem gemaect sijn oft dat hij xxv gul(den) van dien c gul(den) voirs(creven)/ hebben wille erflic en(de) sijne(n) wille dair mede te doen Ende/ soe welc van beyden de voirs(creven) ghijsbrecht kyest soe es vorwarde/ dat de voirs(creven) ghijsbrecht dan bynne(n) ene(n) halve(n) jae(r) naestcomen(de)/ betale(n) sal de voirs(creven) ii(½)[c] peters die hem geleent sijn den testa/ me(n)toirders des voirs(creven) wile(n) h(e)r(e)n aerts van craeyenhem Voirt/ es vorw(er)de eest also dat de voirs(creven) ghijsbrecht kyest de xxv gul(den)/ erflic dat hij dan ja(n)ne brant den jonge(n) des voirs(creven) arts sone/ jans sone uut sine(n) beleide voirs(creven) goede(n) sal int tremanan(n)t vande(n)/ voirs(creven) c gul(den) Behoudelic der voirs(creven) wedewen hoe(r) tocht inde/ l gul(den) d(air)af Ende eest also dat de voirs(creven) ghijsbrecht kyest/ l guld(en) tsijne(n) live soe eest vorwairde dat de hij desgelijx den/ voirscreven ja(n)ne oec goeden sal inde voirs(creven) c gul(den) erflic geheel/ behoudelic der voirs(creven) wedewe(n) als voe(r) hoe(re) tocht inde l en(de)/ den voirs(creven) ghijsbrecht als voir sijn vesticheit de tocht in dand(er)/ vijftich gul(den) B Oec met alsulk(en) vorw(er)de(n) wairt also dat/ de voirs(creven) jan brant de jonge aflivich worde eer tvoirs(creven) gedinge/ voleynt wae(re) dat hij de voirs(creven) ghijsbrecht alsdan de voirs(creven) vestich(eit)/ doen soude arnde joffr(ouwe) juliane(n) en(de) marien sine(n) brueder en(de)/ sust(ere)n [en(de) al] nae uutwisen vande(n) testame(n)te des voirs(creven) wilen h(e)r(e)n aerts/ ov(er)wynge smet oct(obris) iiii