Van engel page/ It(em) het sijn comen in recht voe(r) meye(r) en(de) scepen(en) van loeven inde/ banc ald(aer) yng willem van steenwinkele die na de(n) recht/ d(er) stat va(n) loeve(n) come(n) en(de) geleydt is tot de(n) goede(n) peters van/ ghind(er)bove(n) jans sone in deen side en(de) yngel page wo(nen)[de] tot/ humelghem in dand(ere) d(aer) si deen den ande(re)n aengesproke(n) hebbe(n)/ van seke(re)n jaerscare(n) van pachtinge(n) die beyde de p(ar)tijen meyndde(n)/ te hebbe(n) aen seke(re) goede gelege(n) tot humelghem tot hockesele/ en(de) tot nossegheem toebehoe(re)nde d(en) godshuyse vand(er) cameren/ daer de vors(creven) p(ar)tijen hen thoe(n)nisse of v(er)mace(n) dwelc si in beyde(n) side(n) tot ene(n) seke(re)n daghe hen beteken leydden Also dat na dien/ bi mae(n)nisse(n) smeyers van loeve(n) wijsde(n) de scepen(en) va(n) loeve(n) voe(r)/ een vonnisse na aensp(ra)ke na v(er)antw(er)de(n) en(de) na tthhoe(n)nisse dat de(n)/ voirs(creven) yngele(n) page de vors(creven) pachtinge volgen sal Behoudelic/ dien dat de selve yngele de(n) vors(creven) willemme va(n) steenwinkele/ va(n) nu voirtaen vand(er) borchtochte d(er) selv(er) pachtinge(n) aent vors(creven) godshuys/ vand(er) came(re)n scadeloes ontheffen sal Cor(am) k(er)smake(re) roelof borch(oven)/ ov(er)wynghe smet des sat(er)d(aighs) xiiii dage in julio