Van meest(ere)n pete(re)n voet/ Item om alrehande wederstrickelicheit die h(er) jan van hellegate/ priester openbairlic voirtkeert inde(n) gewijsde(n) vo(n)nissen der scepen(en)/ van loven(e) en(de) inde(n) execucien vande(n) selve(n) vonnissen die van rechts/ wegen dair uut voirt gesciet sijn Soe es openbairlic verdrage(n)/ en(de) geslote(n) inde(n) raede vand(er) stat datme(n) den voirs(creven) h(er) ja(n)ne van helle/ gate noch nyemant inde(n) name van hem gheen behulp van recht/ met e(n)nige(n) beleitbrieve(n) van loven(e) noch andersins na den rechte/ der stat van loven(e) doen en sal voir aen d(er)re tijt dat de voirs(creven)/ h(er) jan af en(de) te nyeute sal hebben doen doen tgheen des voert/ gekeert es in cont(ra)rien den vo(n)nisse(n) voirscr(even) te wete(n) ind(er) saken die/ voe(r) meye(r) en(de) scepen(en) van loven(e) gehange(n) heeft tusschen den voirs(creven)/ h(er) janne en(de) meest(er) pete(re)n voet sijne(n) zwag(er) Actu(m) in pleno co(n)silio/ xvii maii anno xiiii[c] xxxvii[mo]