Van janne manfraets/ Ite(m) uut dien dat bi terminacien d(er) stat van loeven comen sijn in recht/ voe(r) meye(r) en(de) scepen(en) ald(aer) jan vand(er) monick van halen in deen side en(de)/ jan manfraets sijn stiefvad(er) in dande(re) daer de vors(creven) jan vand(er)/ monick een aensprake dede dat hi beg(er)de en(de) versocht bewijssenisse/ te hebbe(n) van xliiii gulden(en) d(aer) af hi van sijnre huweliker vorw(er)de(n)/ die sijn moed(er) des voirs(creven) jan manfraets wijf hem in huwelik(er) vorw(er)de(n)/ gegeve(n) hadde Seggende de vors(creven) jan vand(er) monick dat de vors(creven)/ ja(n) ma(n)fraets hem dat sculdech wa(r)e te bewijsen na de huw(e)lic(er) vorw(er)de/ die de voirs(creven) sijn moeder hem gedaen en(de) geloeft hadde gelijc de selve jan/ vand(er) monick dat boet te thoenen en(de) na dat de vors(creven) jan manfraets mette(n)/ vors(creven) sinen wive have en(de) erve aenveerdt hadde dat hi oec also boet te/ thoenen en(de) altoes metten minste(n) daer hi inden rechte met liden mocht/ met vele meer redene(n) en(de) woerden die de vors(creven) jan vand(er) monick tot d(er)/ vors(creven) sijnre aensprake(n) dede segge(n) en(de) cleden Seggende ten slote de vors(creven)/ jan vand(er) monick so waer hi tgheen des vors(creven) is gethoene(n) conste/ dat de vors(creven) jan manfraet hem de vors(creven) bewijssenisse doen soude en(de)/ de vorg(enoemde) jan ma(n)fraets hem hier op verantwordende heeft doen segge(n)/ dat hi inde vors(creven) bewijssenisse van rechts wegen niet gehouden en is/ noch sijn en sal en(de) dat bi des(en) redenen want de vors(creven) jan vand(er) monick/ in deen side en(de) de vors(creven) jan manfraets in dande(re) and(er)wile van alle(n)/ stote gheschille en(de) tebat die sij underlinge(n) hadde(n) tot op dien dach/ dat langhe was na de vors(creven) huwelike vorw(er)de bleven en(de) gecomp(ro)/ mitteert wa(r)en in segge(re)n die hae(r) segge(n) d(aer) af voe(r) scepen(en) van/ hale(n) op die tijt uutsprake(n) gelijc seke(re) scepen(en) brieve van halen/ dat claerlic beg(ri)pen en(de) inhebbe(n) met welken segghen si in beyde(n) side(n)/
//
van allen saken doen geslete(n) wa(r)en des de(n) vors(creven) jan manfraets/ hem gedroegh tot de(n) brieven en(de) tot de(n) segge(re)n die d(aer) af op die/ tijt segge(re)n waren Daer mede de selve jan ma(n)fraets dat boet/ te thienen Seggende de vors(creven) jan ma(n)fraets so waer hi dat/ gethoene(n) conste dat hi dan vand(er) vors(creven) aensprake(n) ongehoude(n) sijn/ soude En(de) de p(ar)thijen in beyde(n) sijden gewijst tot hae(re)n thoe(n)nisse/ heeft de voirs(creven) seg jan manfraets mette(n) segge(re)n ope(n)baerlic/ gethoent dat si volcomelic bliven metten biden brieve die vande(n)/ voirs(creven) segge(n) gemaect is en(de) dat si d(aer) af noch toe en woude(n)/ noch en wisten te doen So eest dat de scepen(en) van/ loeven bi mae(n)nissen smeyers van loeven yerst de(n) vors(creven) scepen(en)/ brief van halen wael gevisiteert hebbende Wijsden voe(r) een/ vonnisse na aensprake na v(er)antwerden en(de) na thoe(n)nisse dat/ alsulken aensprake als de vors(creven) jan vand(er) monick tot den/ voirs(creven) janne manfraets sinen stiefvad(er) gedaen heeft den/ selven janne manfraets gheen ontstade doen en sal cor(am)/ kersmake(re) roelofs borchove(n) cap(elle)[man] ov(er)wynghe iuniore/ junii xv anno xxxvii