Van m(ijn) he(re) den abdt van heyleshem/ Tthoe(n)nisse m(ijn) he(re)n des abds voirs(creven) vander saken d(aer) af tvo(n)nisse/ d(er) scepen(en) van loeve(n) gewijst heeft gelijc dat gescreve(n) steet/ in de naeste ande(r) side van desen blad(en) xxvi daghe in febr(uarii)/ Inden yersten dede de vors(creven) m(ijn) he(re) dabtt inden lesen twee brieve/ Te weten den ene(n) brief mencie makende hoe de sel voerseten/ des selfs m(ijn) he(re)n dabds de heerlicheyt van heyleshem met/ allen hae(re)n toebehoirte(n) gecocht en(de) v(er)cregen hadde En(de) ene(n)/ ande(re)n brief daer mede de selve m(ijn) he(re) dabdt die nu es/ de voirs(creven) heerlicheit van onsen genedige(n) he(re) den h(er)toge van/ bourg(oign)[en] en(de) va(n) brabant nu zijnde te leene ontfaen heeft/ Item thoende mijn he(re) dabt vors(creven) met goeden ma(n)nen dat/ de voirs(creven) heerlicheit van heyleshem met allen hae(re)n toebehoirte(n)/ sijn vry erfleene wae(re)n en(de) dat de plaetse daer de banck/ op steet leen wae(re) rue(re)nde van onse(n) genedige(n) he(re) den h(er)toghe/ voirs(creven) dat de vors(creven) mijn he(re) dabt alle dbedrijf vand(er) heer/ licheyt aldaer hadde en(de) hem toebehoirde uutgenomen lijf/ en(de) let/ Item thoende noch m(ijn) he(re) dabt voirs(creven) dat hi gielijse wile(n)/ vand(er) balct vad(er) des voirs(creven) gielijs ter tijt doen hi leefde/ hadde doen verbieden dat hi op die plaetse noch op gheen/ ande(re) plaetse sijnre heerlicheit van heyleshem toebehoe(re)nde gheen/ recht meer en dade dan alleen op sine tsijsgoede ende/ datmen daer na doen aldaer gheen recht meer en dede tot d(er) tijt toe dat den voirs(creven) gielijse vand(er) balct henricke(n)/ va(n) holzete die na de(n) rechte d(er) stat va(n) loeve(n) geleydt was/ tot de(n) goede(n) des voirs(creven) gielijs dyerste vonnisse aengewijst/ was/ Item kendde en(de) lijdde de voirs(creven) henric en(de) gielijs vand(er) balct/ den voirs(creven) m(ijn) he(re) den abdt dat in mijns gened(ichs) he(re)n came(r)/ voirs(creven) de possessie van leengoeden den besitter van dien/ goeden gheen recht en maecte noch en gave hoe langhe oec/ die sijn mocht en(de) dat ald(aer) inde selve came(r) van leengoeden/ gheen possessien en wa(r)e
//
Item thoende voirt de selve mijn he(re) dabt met manne(n) van leen/ so wie van leengoeden gheen ontfang en hadde dat dien den/ hoff niet en kendde noch trecht inde vors(creven) goede vorde(re)n en mocht/ Item thoende voert de vors(creven) mijn he(re) dabt dat alle die ande(re)/ gronthe(re)n onder mijn he(re) den abdt tot heyleshem geseten recht doen/ moesten en(de) dagelix deden op hae(r) tsijsgoeden en(de) oft si elde(r) recht/ doen wouden daer af moesten sij orlof bidden aen m(ijn) he(re) den abdt/ Ite(m) thoende noch mijn he(re) de abdt vors(creven) dat de vors(creven) gielijs vand(er)/ balct sijn tsijse en(de) heerlicheyt die daer af comt Te weten goeden/ en(de) ontgoeden te leen heldt van mijn he(re) den abdt vors(creven)/ Dits henrics thoe(n)nisse van holzete voirg(enoemt)/ Yerst dat doude gielijs vander balct oud(er)vader des voirs(creven) gielijs die nu is/ voe(r) joffr(ouwe) yde sine gesellinne na thomaes van holsete sone d(er) selv(er)/ joffr(ouwe) yden d(aer) na gielijs vander balct sone d(er) selv(er) joffr(ouwe) yden vad(er) des vors(creven)/ gielijs en(de) oec dese selve gielijs dbedrijf va(n) recht te doen opte plaetse/ daer om tgedinghe es Altijt gehadt hebbe(n) en(de) deen na den ande(re)n d(aer) uut also/ gestorven zijn sond(er) e(n)nichsins daer in gestoert te w(er)den sond(er) nu in desen g(ro)ten/ wynter/ Ite(m) thoende noch de voirs(creven) henric van holzete dat de vors(creven) gielijs vand(er) balct/ en(de) sijn voe(r)seten ov(er) xxx ov(er) xl ov(er) l ov(er) lx jae(r) en(de) xx jae(r) te voren/ eer de heerlicheit van heyleshem ende(n) abt en(de) sijn convent comen was/ opte vors(creven) plaetse recht gedaen hadde(n) en(de) dat op de selve plaetse een geveerde/ en(de) sitten van eenre banck met twee siden omgaende gestaen hadde en(de)/ dat acht(er) in mydde(n) vander selv(er) banck plach te staen enen alboeme daer/ meye(r) jeghen plach te sitten