Van colen van monthenaken/ It(em) van alsulken xxv g(ri)pen als coel van monthenake(n) port(er) va(n)/ loeven heeft moete(n) betalen reyne(re)n noetkens d(aer) af roelof vranx/ die na de(n) recht d(er) stat van loeve(n) come(n) en(de) geleidt is tot de(n)/ haeflike(n) goede(n) des vors(creven) coels tot loeve(n) in hadde doe(n) scriven/ jan troyst en(de) janne van boesschot die and(er)wijl voe(r) de(n) voirs(creven)/ reyne(re)n noetkens inde(n) recht tot loeven borghe bleve(n) wae(re)n te plege(n)/ des tvonnisse vande(n) vors(creven) xxv g(ri)pen wise(n) soude En(de) de vors(creven)/ borge(n) tot hae(re)n daghe niet come(n) en sijn Es tvonnisse datmen/ de(n) vors(creven) roelof vranx vande(n) xxv g(ri)pen houden sal in sine(n) beleyde/ also v(er)re alst noch voe(r) scepen(en) van loeve(n) comen is k(er)smake(re)/ roelofs smacht borchove(n) cap(elle)[man] ov(er)wynghe smet m(ar)cii xix