It(em) peter willemaer sone jans wile(n) willemair franco willem(aer)/ sijn oem vranc willemaer wonende inde scrijnst[ra]te jan calaber/ dyonijs en(de) jan willemaer gebruede(re)n in jegenwordich(ei)[t] d(er) scepen(en)/ va(n) loeve(n) gestaen hebbe(n) geloeft ongesundert en(de) ongescheide(n) en(de)/ elc voe(r) al symoene pyron sone jans wile(n) pyron janne/ doelslege(re) sine(n) stijfvader en(de) janne va(n) thuyne(n) briede(r) oft de(n) ene(n)/ va(n) hen brenghe(r) des briefs tweehondert gulden peters d(er) mu(n)ten/ des h(er)toge(n) van bourg(oign)[en] en(de) va(n) brabant nu gemeynlic/ in bursen gaende goede en(de) ghene oft de w(er)de d(aer) af in ande(re)n/

goede(n) ghelde Te wete(n) vijftich peters d(aer) af tussche(n)/ dit en(de) donredaghe naest comende En(de) vijftich peters
//
d(aer) af ts(en)te jans misse bap(tis)[te(n)] d(aer) naest volgende En(de) vijftich/ peters d(aer) af tot kersmisse dat d(aer) na sond(er) middel volge(n) sal/ en(de) [de coste] vijftich peters d(aer) af tot paessche(n) d(aer) na sond(er) myddel volgende/ te betale(n) en(de) telke(n) t(er)mijn alse v(er)volghde schout Alse vand(er) zoene(n)/ die wittelic gedaen es vand(er) doet gheerkens wile(n) pyron/ brued(er) des vors(creven) symoens die vand(er)e vors(creven) pete(re)n willemaer/ van live t(er) doet bracht wart It(em) hebbe(n) noch geloeft de/

voirg(enoemde) sesse p(er)sone dat si voe(r) de ziele des voirs(creven) wile(n) gheerkens/

v(er)crigen sele(n) inde(n) kerken va(n) sente quintijns te loeven een misse/

de weke erflic [te weten des sondaeghs op sente jans evangeliste(n) ald(aer) outaer aldaer] En(de) d(aer) voe(r) pande bewisen tussche(n) dat en(de) sent/

jans misse bap(tis)[te(n)] nu naest cemende En(de) dat sij oec voe(r) de ziele/ des vors(creven) doden eens sele(n) doen doen vier dertichste Et p(ri)mus/ roelofs borchoven feria sexta post pascha