It(em) want jan cruyplant soen gheerts wile(n) cruyplant anderwile/ inder stat wissel te loven(e) geset heeft c en(de) xv g(ri)pen als vand(er)/ zoenen vand(er) doet gheerts wilen straesborghs natuerlic soen/ gheerts wile(n) straesborghs tot behoef der kijnde(re)n des selfs wile(n)/ gheerts des soens die noch onder hoir dage wae(re)n en(de) aert/ straesborghs soen des voirs(creven) wilen gheerts bastarts die nu te/ sine(n) mu(n)dige(n) dage(n) come(n) es en(de) de zoene voir scepen(en) van/ loven(e) aengenome(n) heeft en(de) gecoe(re)n tvijfstedeel vand(er) so(m)me(n)/ gelts voirscr(even) trecke(n) sal dwelc de mo(m)boe(re)n vande(n) heylige(n) gheest/ van sente mychiels voir e(n)nige aensprake die sij meyne(n) te hebben/ tot den voirs(creven) wile(n) gheerde straesborchs bastarts hadde(n) doen/ besette(n) Dair om eest dat come(n) sijn voir scepen(en) van loven(e)/ aert straesborch en(de) jan cruyplant beyde voirscr(even) henric zwan/ zwaus van bynckem en(de) gord hanckart cledermake(r) te loven(e)/ en(de) sijn borghe bleve(n) voir tvijfstegedeelte vande(n) voirs(creven) ghelde/ dat te verantw(er)de(n) tot den rechte op dat de voirs(creven) mo(m)boe(re)n/ dair op yet gewynne(n) consten Ende hebbe(n) geloeft de/ voirs(creven) aert straesborgh jan cruyplant en(de) henr(ic) zwaus/ den voirs(creven) goerde hanckart hier aff scadeloes en(de) co(m)merloes/ te houden Ende voirt heeft geloeft de voirs(creven) aert straesborgh/ den voirs(creven) ja(n)ne cruyplant ende henr(icke) zwaus scadeloes/ tontheffen cor(am) eisdem