Van katlinen coudehovens weduwe/ joes wilen jacobs diemen heet sack/ Het sijn comen in recht voe(r) meye(r) ende scepen(en) van loeven(e) inde/ banck goessen boschmans van balen in deen zijde en(de) katline/ coudehovens weduwe joes wilen jacobs dieme(n) heet sack uut/ macht van enen beleide daer mede de voirs(creven) wilen joes comen/
//
ende geleidt was tot den goeden gheerts wilen boschmans met/ seke(r) myddel na den rechte der stat van loeven(e) daer toe dienen(de)/ in dande(re) vanden goeden hier na bescr(even) daer af de p(ar)tien in aen/ sprake en(de) verantwerden vielen en(de) ten eynde in beide siden tot/ hoe(re)n bethoen gewijst worden van seke(re)n poenten die sij in beide/ siden inleyden Ten daghe van thoenissen hen geset thoende/ de voirs(creven) goessen boschmans da met ii scepen(en) van molle dat and(er)/ wile voe(r) hen gedragen en(de) getuyght hadden jan reyners en(de)/ jan wilen boudens alse op die tijt scepen(en) van molle dat sij/ daer bij over en(de) aen geweest hadden daer v de voirs(creven) gheert/ wilen boschmans in alle de goede die hem bleven wae(re)n na/ sijnen vader en(de) bliven mochten na de doot zijnre moeder met/ poenten van rechte na der banck recht van molle gegoedt hadde/ goessen gielisen en(de) katlinen boschmans sijn brued(er)s en(de) zuster voert/ aen tuyghden noch de voirs(creven) ii scepen(en) van molle dat sij dair bij/ geweest hadden daer de voirs(creven) jan reyners gegaen wae(re) op den/ kerkhof te balen daer de voirs(creven) wilen jan boudens gegrave(n)/ was daer de selve jan reyners bij sijnen eede openbairlic/ droegh dat de selve wilen jan boudens die aldair gegrave(n)/ lach met hem als scepen(en) van molle and(er)wile daer bij geweest/ hadde daer de voirs(creven) gheert wilen boschmans de voirs(creven) gue/ dinghe inder manee(re)n als voirscr(even) steet gedaen hadde Item/ dede noch lesen inden rechte de voirs(creven) goessen boschmans/ enen scepen(en) brief van molle daer inne dat ene kerstine/ boschmans dochter jans wilen boschmans en(de) wilen kerstijne(n)/ sijns wijfs verteghen en(de) quijtgeschouden hadde alle de goede/ die hoe(r) bleven wae(re)n na de doot huers vaders en(de) bliven/ mochten na de doot hue(re)r moeder tot behoef goessens/ boschmans uutgesceiden de goede die hue(r) uut der zijden/ aen sterven mochten op welken brieff ii scepen(en) van molle/ tuyghden dat dien brief h na hoe(re)r banck recht gemaect/ wae(r) It(em) tuyghden twee goede ma(n)ne dat de goede daer af/ de voirs(creven) brief mencie maecte de voirs(creven) goessen boschmans/ yesijnt beseten en(de) aenveert hadde Item tuyghden noch/ de selve ii goede ma(n)ne dats wel xxv oft xxvi jaer lede(n)/ wae(r) dat de guedinge vanden voirs(creven) wilen gheerde boschma(n)s/
//
geschiede It(em) tuyghden noch ii scepen(en) van molle so wie also tot/ e(n)nigen goeden comen wae(r) dat die daer inne bliven soude tot/ aen dier tijt dat hij met enen bete(re)n rechte daer uut gewo(n)nen/ worde voert tuyghden noch de selve ii scepen(en) van molle dat/ sij daer bij en(de) aen geweest hadden daer kerstijne b wilen bosch/ mans moeder des voirs(creven) goessens en(de) wilen gheerts boschmans/ hoe(r) tocht verswoe(re)n en(de) afgegaen hadde sonder e(n)nige goede te/ noemen waer af dat dat was en(de) sonder oec te claren hoe/ langhe dat dies leden was Hier na thoende de voirs(creven) katline/ weduwe des voirs(creven) wilen joes jacobs met ii goeden ma(n)nen dat/ een jan wilen stijnen van balen en(de) wilen machtelt sijn wijf vad(er)/ en(de) moeder der voirs(creven) wilen kerstijnen dese goede besaten als hoe(r)/ p(ro)per erve en(de) dat de voirs(creven) wilen jan kerstijnen daer uut starf/ als uut sijnen p(ro)pe(re)n erve en(de) dat de voirs(creven) wilen machtelt/ sijn wijf daer in doen bleef sittende als een tochtersse ende/ datse na hoe(r) doet doen quamen op der voirs(creven) wilen kerstijne(n)/ boschmans hoe(re)r wittig(er) dochter en(de) op janne wilen boschmans/ hoe(re)n man en(de) dat de voirs(creven) wilen jan boschman en(de) wilen kerstijne?/ sijn wijf doen de voirs(creven) goede te gader besaten als hoe(r) p(ro)per/ erve en(de) dat de voirs(creven) wilen jan boschmans daer voe(r) uutstarf/ als uuten sijnen erve en(de) dat de voirs(creven) wilen kerstijne sijn/ wijf inde voirs(creven) goede v bleef sittende als een erftochtersse/ als in goeden die van hoe(re)r sijden comen wae(re)n It(em) tuyghden/ ii scepen(en) van molle dat t(er)tijt doen de voirs(creven) wilen gheert/ boschmans de voirs(creven) guedinge gedaen soude hebben de voirs(creven)/ wilen kerstijne boschmans sijn moed(er) noch leefde It(em) tuyghden/ noch de selve ii scepen(en) van molle dat jan reyners doen/ hij op des [voirs(creven)] wilen jan boudens graf was gelijc voir getuyght/ es dat de selve jan reyners doen bij sijnen eede oic tuyghde/ dat hem niet kenlic en wae(r) dat de voirs(creven) wilen kerstijne/ boschmans de tochtersse bider goedingen was die de voirs(creven)/ wilen gheert hoe(r) sone dede gelijc voirscr(even) steet Item/ tueghden noch ii scepen(en) van molle en(de) noch ii ande(re) goede/ ma(n)ne die and(er)wile aldaer scepen(en) geweest hadden en(de) in/ goeder knapen stat afgegaen wae(re)n dat der banck recht/ van molle wa(r)e so wa(n)neer een erfman e(n)nig(er) goede/
//
aldair afgaen en(de) derven wo soude dat daer bij moeste come(n)/ die erftochte(n) oft de erftochtersse en(de) hoe(re)r tocht daer af derven/ en(de) verswe(re)n soude die goedinge na hue(re)r banck recht van/ werden sijn It(em) tuyghden noch ii scepen(en) van molle al waest/ also dat de voirs(creven) wilen kerstijne boschmans g e(n)nig(er) tocht/ gederft hadde dat dat niet vorder en was dan van drie/ mudden rogs erfpachts min ii halste(r) die de voirs(creven) goessen/ boschmans verwisselde jegen kerstijnen wijf arnts van olmen/ It(em) tuyghden noch ii goede ma(n)ne dat sij goessen boschmans/ voirscr(even) hadden hoe(re)n kennen en(de) lyden dat hij ten heilige(n)/ boet te sweren dat de voirs(creven) wilen kerstijne boschmans sijn/ moeder van ghenen goeden meer noch vorden hoe(r) tocht/ versworen noch gederft en hadde dan allene vanden voirs(creven)/ drie mudden rogs erfpachts ii halste(r) min It(em) tuyghden/ noch de voirs(creven) ii goede ma(n)ne dat de voirs(creven) kerstijne wilen/ boschmans de voirs(creven) goede alle hae(r) leefdage langc beseten/ ende gebruyct hadde uutgenomen dat de selve goede de voirs(creven)/ goessen hoe(r) sone die in hueringen van hoe(r) gehoude(n) mocht/ hebben It(em) tuyghden noch de voirs(creven) ii goede ma(n)ne dat de/ voirs(creven) wilen kerstijne boschmans voer paesschen des nu te/ paesschen lestleden een jaer was van live ter doet quam/ daer na dbeleidt doen sij doot was daer mede de/ voirs(creven) katline int recht comen es gedaen waert gelijc dat/ blijct inden date vanden selven beleide It(em) tuyghden noch/ ii goede ma(n)ne dat de voirs(creven) katline wittighe dochter was/ henrix coudehovens en(de) wilen kerstijnen boschmans sij [sijns] wijfs/ die dochter was des voirs(creven) wilen jans boschmans ende/ wilen katlinen [kerstijnen] sijns wijfs Dit sijn die goede daer o(m)me/ tvoirs(creven) gedinge geweest heeft Inden yersten een schuere/ met haerre toebehoerten gelegen inde prochie van balen voer/ aen de strate aldair neven de goede der kijnde(re)n willems/ wilen swynnen henrics joerdens henrics van loemel goessen/ boschmans gherijts rethemans claes gheerts jans ridders/ tielens van belle en(de) oec neven de goede des voirs(creven) jans/van gheste ridders goerts sels en(de) jans van ghestele co(m)men/
//
langs ter straten tot henrics bloke toe van loemel en(de) vande(n)/ selven bloke tot den bloke henrix van ghestele en(de) oic bide/ goede goessens boschmans voirs(creven) It(em) een eeusel met sijnen/ toebehoerten gelegen inde voirs(creven) prochie van balen aenden/ stappaerts dijck bide goede katherinen van balen en(de) haerre/ kijnde(re) en(de) tuschen de goede kath(er)inen van balen gheben in/ deen side en(de) lijsbetten willens met hae(re)n kijde(re)n en(de) de/ voirs(creven) kath(er)ine van balen met hae(re)n kijnde(re)n in dande(re) It(em) een/ eeusel Item een eeusel gelegen aenden stapparts dijck/ voirscr(even) tuschen de goede margriete(n) gheens in deen zijde/ en(de) de goede jans ghisen en(de) marien gra(m)marts in dande(re) co/ mende voe(r) aende beke It(em) enen beemdt gelegen aldaer/ inden breden els tuschen de goede wouteri ghisels ende/ de goede mathijs woyts comen(de) metten eynde op de beke/ It(em) noch een eeusel gelegen inde prochie van balen/ voirscr(even) in berkenbosch aende vroente aldair tuschen de/ goede kath(er)inen ghiben en(de) hae(r) kijnde(re) en(de) de goede des/ godshuys van postel comende met den eynde aende goede/ gheert heyns It(em) enen driesch gelegen aldaer tusschen/ de goede wouters gra(m)marts en(de) de strate aldair/ De thoenissen aldus geschiet sijnde maende de meye(r)/ van loeven(e) de scepen(en) van loeven(e) die wijsden voe(r)/ een vo(n)nis na aensprake na e aensp verantwerde en(de)/ na thoenisse en(de) na al dats voe(r) hen comen wae(r) dat/ der voirs(creven) kath(er)inen en(de) hue(re)n beleide inde voirs(creven) goede/ des voirs(creven) gheerts wilen boschmans kijnsgedeelte volgen/ sal also verre alst noch voe(r) scepen(en) van loeven(e) comen/ es cor(am) kersmake(re) smacht borchove(n) ov(er)wynge iunior/ smet maii xvi a(n)no xxxvii