Vanden hee(re) van rotselaer/ Item want her jan he(re) tot rotselaer tot vorslaer en(de) tot rethy (et)c(etera)/ opten dach van heden comen is biden rade vand(er) stat thoenende en(de)/ op doende hoe dat hi oft liede in sinen name and(er)wijl en(de) onlanx een/ comanscap gedaen en(de) aengegaen is met der joffr(ouwe) wilen van pyet(er)shem/ wonende inden godsshuyse van bethanien bi mechelen oft met/ seke(re)n liede(n) in hae(re)n name van twee(n)hondert rijnssche gulden(en) erflik(er)/ renten die de vors(creven) he(re) van rotselaer op die tijt vercochte der vors(creven)/ wilen joffr(ouwe) van pyet(er)shem op goede seke(re) pande inde lande van/ rotselaer gelegen mede opdoende en(de) seggende de selve he(re) van rot/ selaer dat ind(en) voirs(creven) comanscape(n) vorwerde en(de) ond(er)spraken was dat/ so wanneer hi vand(er) voirs(creven) comanscappe(n) vol betaelt soude zijn dat/ dan yerst bynne(n) ene(n) halve(n) ja(r)e d(aer) na half de rente(n) vande(n) vors(creven)/ ii[c] rijnsch gulden betale(n) soude en(de) niet eer Badt daer o(m)me de/ vors(creven) he(re) van rotselair de(n) rade vand(er) stat dat si d(aer) op ten heylige(n)/ v(er)hore(n) woude(n) iii goede ma(n)ne die ov(er) de voirs(creven) comanscap geweest/ hadde(n) om te weten oft tgheen des voirsc(even) is ind(er) vors(creven) comanscappe(n)/ met vorw(er)de en(de) ondersproken en was Versuekende uut desen de/ selve he(re) van rotselaer So waer hem de vors(creven) drie goede ma(n)ne/ tgheen des voirs(creven) es droeghen datmen dan hem behoirlike raet/ opt stuck voirsc(even) hebben woude also dat de raet vand(er) stat/ tot d(er) beden des he(re)n van rotselaer die umm(er) redelic was ghe/ neyght zijnde de vors(creven) iii goede ma(n)ne ten heylige(n) verhoerde die/ openbairlic bi hae(re)n eede droeghe(n) dat ind(er) vors(creven) comanscappe(n)/ claerlic vorw(er)de was d onder den ande(re)n en(de) meer ande(re)n [saken] die/ ind(er) selv(er) comanscappe(n) geruert en(de) gevorwerdt wae(re)n dat bynne(n)/ ene(n) halve(n) ja(r)e na dat de vors(creven) he(re) van rotselaer vand(er) voirs(creven)/ comanscappe(n) volbetaelt soude zijn dyerste paymente Te wete(n)/ deen helecht vande(n) vors(creven) renten vallen soude en(de) niet eer/ v(er)dragende voert de vors(creven) raet want si claer informacie/ hadde(n) dat de vors(creven) he(re) van rotselaer niet volbetaelt en wae(r)/ datme(n) nyemende mette(n) scepen(en) brieve(n) van loeven vanden vors(creven)/ rente(n) gemaect zijnde gheen behulp van rechte doen en/
//
sal vande(n) vors(creven) renten voir aen d(er)re tijt dat de he(re) va(n) rotselair/ vande(n) coop vande(n) selven rente(n) na inhebbe(n) vande(n) vorw(er)den voirscr(even)/ volcomelic betaelt sal zijn Act(um) in pleno (con)silio anno xxxvii junii xxi[a]