It(em) cond sij allen liede(n) dat len ren jan reyne(re) ende lenart/ cluwen van wynghe gebruede(re) sijn come(n) in jeg(enwoirdicheit) der/ scep(enen) van lov(en) Ende hebbe(n) genome(n) en(de) bekent dat sij genome(n)/ hebben vande(n) eerw(er)dige(n) vad(er) in gode h(e)r(e)n danele van/ zonuwe(n) abdt scloesters van ev(er)bode de thiende desselfs/ cloesters gelegen te wynghe met hoe(re) toebehoirte(n)/ Te houde(n) en(de) te hebben van sent jans misse bap(tis)[te(n)]/ dat ghiste(re)n was ene(n) t(er)mijn van drien jae(re)n langc
//
deen nae dand(er) staphans sond(er) middel volgende Elx/ jairs dae(re)n bynne(n) om twee gul(den) crone(n) d(er) mu(n)te(n) sconinx/ van vrancr(ijc) goet van goude en(de) zwair van gewicht T / veerthien mudde rogs en(de) xiiii mudde evene(n) elx/ coe(re)ns goet en(de) payabel der mate(n) van loven(en) met wa(n)ne/ en(de) met vlogele(n) wel bereit alle te sente andries misse/ apostels te betale(n) en(de) te wynghe te leve(re)n jairlix den/ voirs(creven) t(er)mijn due(re)nde quol(ibet) ass(ecutu)[m] It(em) es vorwairde dat de/ voirs(creven) thiendene(re)n jairlix den voirs(creven) t(er)mijn due(re)nde houden sele(n)/ op hoe(re)n cost de lampe van smoute en(de) anders de welke tvoirs(creven) cloest(er)/ inde kerke te wynge sculdich es te houde(n) It(em) sele(n) noch/ deselve thiendene(re)n betale(n) alsulke(n) tsijs als tvoirs(creven) cloester/ sculdich es van sijne(n) goede(n) te comptich sond(er) afslach/ d(er) voirs(creven) so(m)me(n) It(em) es vorw(er)de dat de voirs(creven) thiende(re)ne(re)n betale(n)/ selen den proefst van sente g(er)trude(n) te loven(en) jairlix den/ voirs(creven) t(er)mijn due(re)nde iii mudde rogs dewelke tvoirs(creven) cloest(er)/ van ev(er)bode den voirs(creven) proefst sculdich es op also dat deselve/ thiendene(re)n dies wed(er) heffen sele(n) alsulke(n) ii(½) mudde rogs/ alsmen den voirs(creven) cloester van ev(er)bode te wynghe sculdich is/ en(de) datme(n) hen dander half mudde aen de so(m)me voirs(creven) afcorte(n) sal/ It(em) selen noch de voirs(creven) thiende(re)n betale(n) den huysgesinde des/ abds voirs(creven) x halster rogs d(er) mate(n) voirs(creven) tot sent andr(ies) misse/ naestcomen(de) als vervolghde schout capellema(n) smet/ junii xxv