It(em) van alsulke(n) stoet en(de) gescille als opv(er)staen sijn tusscen janne/ coeck poirte(r) van loven(en) in deen zijde ende meest(er) ja(n)ne de/ rike in dande(re) van alrehande woirde(n) die de selve meest(er) jan/ ten voirs(creven) ja(n)ne coec w(er)t gesproke(n) soude hebbe(n) en(de) voirt/ van alsulke(n) coste als de selve jan de rike de(n) voirs(creven) ja(n)ne coec/ eysschende es van ene(n) segge(n) tussce(n) den voirs(creven) p(ar)tien geseeght/ Ende voirt van alle(n) ande(re)n stote die de selve p(ar)tien und(er)linge/ gaens hebbe(n) tegen malc ande(re)n tot opden dach toe van heden Soe/ sijn de voirs(creven) p(ar)tien des come(n) voir scepen(en) van lov(en) en(de) hebbe(n) hen/ vande(n) voirs(creven) stoote gekeert in segge(re)n en(de) vrientlic yffene(re)n Te/ wete(n) de voirs(creven) jan coec in ja(n)ne vekema(n) voirspreke en(de) ja(n)nes/ hovelma(n) en(de) de voirs(creven) jan de rike in gheerde de molde(re) en(de)/ woute(re)n jans sone in alsulk(er) vuege(n) dat de voirs(creven) p(ar)tien hoir/ segge(re) ter stont [bynne(n) viii dage(n)] uutsegge(n) selle(n) Ende hebbe(n) geloeft beyde de p(ar)tien/ voirs(creven) vast en(de) gesteedich te houde(n) wes de voirs(creven) iiii segghe(re)n vande(n)/ voirs(creven) stoote eendrechtichlic uutsegge(n) selle(n) smacht capel(le)[ma(n)]/dec(embris) xx kersmake(re) smet x[a] januarii