It(em) h(er) jan he(re) tot dongelb(er)ghe ridde(r) in jegenwordich(eit) d(er) scepene(n)/ van loeve(n) gestaen heeft geloeft voe(r) hem sijn erfgename(n) en(de) nacomelinge(n)/ clase vande(n) werve sone claess wile(n) vande(n) w(er)ve va(n) antw(er)pen/ sine(n) erfgename(n) en(de) nacomelinge(n) altijt genoech te doen en(de) jegen/ ene(n) yegelike(n) recht warant te zijn vande(n) goeden hier na bescr(even)/ Te wete(n) vande(n) hove ovelaer in huyse(n) hove(n) wynnenden/ lande(n) beemde(n) eeusele(n) wate(re)n tsijse rente(n) en(de) erfpacht d(aer) mette(n)/ rechte heerscap en(de) mansscap d(aer) toe horende en(de) voert met alle(n) ande(re)n/ sine(n) toebehoirte(n) tot de(n) vors(creven) hove behorende gelijc de vors(creven) h(er) jan/ he(re) tot dongelb(er)ge de vors(creven) goede inde p(ro)chien van hug(ar)de(n) in/ alrehande steden en(de) stucken ald(aer) te houden plach Welke goede/ de vorsc(reven) claes vande(n) w(er)ve jege(n) de(n) vors(creven) h(ere)n janne gecocht/ en(de) gecrege(n) heeft om [een] seke(re) so(m)me gelts d(aer) af de vors(creven) h(er) jan/de(n) vors hem bekendt heeft bide(n) vors(creven) clase volcomelic genoech/ gedaen sijnde den selve(n) clase d(aer) af openbaerlic quijtscheldende/ en(de) d(aer) af oec goedinghe en(de) vesticheyt heeft voe(r) de he(re)n en(de) hove/ d(aer) men de vors(creven) goede af houdende is Voert heeft geloeft de vors(creven)/ h(er) jan he(re) tot dongelb(er)ghe voe(r) hem sijn erfg(enamen) en(de) namelinge(n)? dat/ de vors(creven) goede boven alle co(m)mer en(de) last daer voe(r) uutgaende weert/ sijn vijftich mudde corens d(er) maten van thiene(n) erflex pachts En(de)/ oftmen bevonde dat uuten vors(creven) goeden yet meer ghinghe dan/ tgheen dat de wyn die nu opte voirs(creven) goede sitt boven de vors(creven)/ vijftich mudde(n) corens betale(n) moet dat dan en(de) in dese(n) geval/ de vors(creven) h(er) jan de(n) vors(creven) clase d(aer) voe(r) voe(r) elke(n) pe(n)ninc aende/ p(ri)ncipael so(m)me afcorten sal xx pe(n)ninghe cap(elle)[ma(n)] smet ja(nuarii) sex[ta]