It(em) henric jans soen van bardwijc es come(n) in jegenwordich(ei)[t]/ d(er) scep(en)en van loeven en(de) heeft genome(n) en(de) bekendt dat hi genome(n)/ heeft van janne van wijtvliet seke(r) lant gehete(n) den werft/ met sijnre toebehoirte(n) gelijc de(n) voirs(creven) jan dat ald(aer) toebeh gelege(n)/ te bardwijc gelijc dat voirs(creven) lant hem strect vand(er) straten/ totte(n) meerdijc toe te houden te hebbe(n) en(de) te wynnen van/ sinxten naest comende ene(n) t(er)mijn van xii jae(re)n lanc deen/ na dand(er) d(aer) na sond(er) myddel volgende elx jaers d(aer) en/ bynne(n) om xiiii gul(den) pete(rs) d(er) mu(n)ten h(er)toge van philips h(er)toge/ va(n) bourg(oign)[e] en(de) va(n) braba(n)t of de w(er)de d(aer) af tsinxten(en) te betale(n)/ alle jae(re) de(n) vors(creven) t(er)mijn duer(ende) en(de) telken t(er)mijn als v(er)volghde schout/ En(de) es vorw(er)de dat de vors(creven) henric janssoen alle jae(re) hier en/ bynne(n) betale(n) sal alle de(n) tsijs co(m)mer en(de) last uut en(de) vanden/ voirs(creven) goede(n) gaende en(de) comende sond(er) cost des vors(creven) jans/ van wijtvliet uutgenomen van she(re)n bede d(aer) in en sal de/ selve henric niet gehoude(n) sijn absoloens boys/ januarii xiiii