Item es vorwarde en(de) ondersproken dat den voirs(creven) brief ond(er) [de] clerck sal/ bliven liggende in des(er) vuegen te wete(n) dat hem de voirs(creven) henric(us) dair/ mede sal doen beleiden tot den goeden des voirs(creven) jonck(er) jans en(de) joffr(ouwe)/ joha(n)ne(n) te weten tot den goeden van waenrode met alle(n) hoe(re)n toebeh(oirten)/[tot waenrode en(de) aldair omtrent gelegen] en(de) als hij geleit sal sijn tot dien goeden dan sal hij in deselve goede/ vast sette(n) jacob uute(n) lyemy(n)gen gelijc jan vand(er) blockerijen dair in/ vast staet behoudelic dat de co(n)dicie uutblive(n) sal vand(er) tocht die m(ijn)/ jonck(er) hebbe(n) soude wairt dat hij lang(er) leefde dan joffr(ouwe) joha(n)ne voirt/ salme(n) den voirs(creven) jacob uute(n) lyeminge(n) vast sette(n) in mette(n) selve(n) brieve/ inde goede van glabbeke [en(de) dair omtrent] met hoe(re)n toebehoirte(n) behoudelic ja(n)ne/ van vlaslair d(air) in sijn tocht also lange als jonck(er) jan sal leve(n)/ en(de) desgelijx salme(n) den voirs(creven) jacob met den voirs(creven) brieve vast sette(n)/ inde goede van bincke(m) soe wa(n)neer he(n) gelieve(n) sal en(de) hij alle/ de rente(n) d(air) op staende afgequijt heeft d en(de) de brieve te nyeute/ sijn en(de) de goede dan weder staen op m(ijn) jonck(er) en(de) m(ijn) joffr(ouwe) dat hij dan/ d(air) in gegoet sal werde(n) als goede die wae(re)n jonck(er) jans en(de) joffr(ouwe) joha(n)ne(n)
//
Ende voirtaen allet behulp dair in doen met de(n) brieve voirs(creven)/ inde voirs(creven) drie goede [en(de) die m(ijn) joffr(ouwe) toebehoe(re)n] de en(de) alle de vesticheit die jacob bege(re)n/ sal te wat tijden hem dat gelieve(n) sal altoes de behoudelic/ de tocht inde goede van glabbeke sond(er) argelist boys/ voshe(m) ja(nuarii) xx