Cond sij allen lieden dat henrick de conync de jonghe is come(n) in jeg(enwordicheit)/ der scepen(en) van loven(e) ende heeft genome(n) en(de) bekent dat hij genome(n) heeft/ van claese de kersmake(re) nu ter tijt scep borg(er)meest(er) te loven(e) thoff des/ selfs claes bynne(n) loven(e) gelege(n) dwelc jan pynnoc de jonge te houden plach/ met den lande opte loo en(de) bynne(n) loven(e) gelegen tot den voirs(creven) hove hoe(re)nde/ en(de) met allen ande(re)n sine(n) toebehoirte(n) Te houden te hebben en(de) te wynne(n)/ van halfmeerte naestcomen(de) ene(n) t(er)mijn van twee jae(re)n langc deen nae/ dander d(aer) nae sond(er) middel volgende elx jairs dae(re)n bynne(n) om de/ helcht van alle der vrucht opte voirs(creven) goede jairlix wassende It(em) es/ voirwairde dat de voirs(creven) wynne de voirs(creven) lande(n) [b mesten] wynne(n) en(de) werven/ sal wel en(de) getruwelic gelijc sine(n) reengenoote(n) bove(n) en(de) beneden It(em) sal/ de voirs(creven) wynne de voirs(creven) lande laten te sine(n) afsceide(n) gelijc hijse vant tsine(n)/ aencome(n) dats te wete(n) dlant opte loo gelege(n) terdendeel [loflic besaeit en(de)] besaeit/ met wijntercorne [en(de) loflic gemest] dand(er) derdendeel brake ende terde derdendeel storte/ eens om gedaen It(em) een boend(er) lands op neckerspoele It(em) een boende/ half boender lands achter de schue(r) sal de voirs(creven) wynne late(n) tsine(n) afsceide(n)/ gelijc hijt vant tsine(n) aencomen Item es vorwarde dat de voirs(creven) wynne/ sal hebben den voirs(creven) t(er)mijn due(re)nde ene(n) beemt gelege(n) in asselbroeck tsjairs/den voirs(creven) t(er)mijn due(re)nde om thien rijnsce gul(den) van goude goet en(de) gheeve/alle jae(re) te s(in)te m(er)tens misse te betalen jairlix den voirs(creven) t(er)mijn due(re)nde/ en(de) telke(n) t(er)mine als vervolghde schout It(em) voirt es den voirs(creven) henr(icke) gelev(er)t/ vande(n) voirs(creven) claese een peert eeghden [waghen] en(de) ploege en(de) and(er) getouwe dair/ toe diene(n)de voir xx gul(den) peters d(er) mu(n)te(n) h(er)togs philips (et)c(etera) de welke/ xx peters gelooft heeft de voirs(creven) henr(ic) den voirg(enoemden) clase te betale(n) te s(in)te/ tsijnre manisse(n) te betale(n) als vervolghde schout It(em) sal de voirs(creven) wynne/ den voirs(creven) claese noch leve(re)n alle weke(n) een waelpot melx en(de) alle jae(re)/ ii[c] eye(re) den voirs(creven) t(er)mijn due(re)nde Item es want de voirs(creven) wynne den voirs(creven)/ clase sculdich es van acht(er)stellige(n) pachte xl mudde rogs goet en(de) payabel/ d(er) mate(n) van lov(en) soe es gevorwairt dat de selve henr(ic) den voirg(enoemden) claese/ die betalen mach te voir wete(n) voir elc mudde rogs een mudde gherste(n)/ goet en(de) payabel d(er) mate(n) van loven(e) en(de) op also dat de selve henr(ic)/ die gherste leve(re) tusscen dit en(de) halfvasten naestcome(n)de en(de) soe wes/ hij dair af bynne(n) dien tijde niet en volleverde dat hij voir dat gebrec/ den voirs(creven) claese betale(n) sal voir elc mudde ii gulden ryders de/ welke hij alsdan geloeft heeft den voirs(creven) claese te betale(n) [te wete(n) deen helcht d(aer) af bynne(n) den yersten jare en(de) dander helcht bynne(n) den ande(re)n jae(r)] ten afsceyden/ sijns t(er)mijns als vervolghde schout It(em) sal de voirs(creven) wynne den voirs(creven)/ claese alle jair sijn helcht vand(er) voirs(creven) vruchte(n) leve(re)n in sijn schue(r) It(em)/ es vorw(er)de dat de voirs(creven) claes ene(n) derscher sal moege(n) setten die/ / sijn helcht vand(er) voirs(creven) vrucht sal derschen en(de) dien derscher sal/ de voirs(creven) wynne moeten voeden en(de) tete(n) gheve(n) op dat de voirs(creven)/ claes begheert op also dat de selve wynne dan de claes/ den voirs(creven) wynne dair voe(r) gheve(n) sal van elke(n) mudde greyns/ dat hij sal dorschen een mol(evat) Ende dese voirs(creven) vorwarde(n) (et)c(etera)/ H(ier) af sijn borgen des voirs(creven) wynne(n) als p(ri)ncipael sculde(re)n ind(ivisim)/ henric de conync sijn vader h jan de conync des selfs/ henrix sone en(de) wouter de conync brued(er) des selfs henrix/ des vaders en(de) merten de conync soen goerds wilen conync/ p(ri)mus boys voshem januarii xxii