Vanden godshuyse van rosendael/ Item navolgende den gewijsde(n) vonnissen d(er) scepen(en) van loeven nu onlanx/ gewijst tusschen der abdissen des vors(creven) godshuys va(n) rosendael in deen/ side en(de) arnde vand(er) donck die na den recht d(er) stat va(n) loeve(n) comen/ en(de) geleidt was tot de(n) goeden jan boils soen jans wile(n) boels in dande(re)/ alse vande(n) goeden gehete(n) tgoet te spruyt met alle(n) en(de) yegewelke(n)/ sine(n) toebehoirte(n) gelege(n) ond(er) de banck te duffel te weten dat de vors(creven)/ goede de(n) vors(creven) arnde vand(er) donck en(de) sine(n) beleyde volgen soude also v(er)re/ alst noch voe(r) scepen(en) van loeven comen wae(r) heeft de vors(creven) abdisse/ de(n) voirs(creven) arnde vand(er) donck met brieve(n) d(er) stat van loeven weder/ dach van recht inde banck voe(r) meye(r) en(de) scepen(en) van loeven doen/ doen daer de selve abdisse de voirs(creven) goede wed(er) aensprack met vele/ redenen articulen en(de) woerden die si na formen van rechte in haerre/ aensprake(n) dede rue(re)n met alrehande thoe(n)nissen die si ind(er) selver haerre/ aensprake(n) dede bilegghen d(aer) af zij merkelicke(n) thoende de punten hier/ na bescreven Yerst onder den ande(re)n thoende de vors(creven) abdisse met/ iii goeden ma(n)nen dat wae(r) waer dat jan wilen boels vad(er) des vors(creven)/ jans boels in tiden voerleden geseten hadde op een hof toebehoe(re)nde den/ vors(creven) godshuyse van rosendael en(de) dat hi doen den selve(n) godshuyse van/ acht(er)stelligen pachte en(de) oec vanden goede(n) te spruyt also vele sculdech/ was dat hi dien niet betale(n) en conste en(de) ruymde daer om uut de(n) lande/ en(de) dat doen gededingt wart en(de) comanscap geschiede tussche(n) de(n) vors(creven)/ godshuyse en(de) de(n) vors(creven) wilen janne boels dat de(n) tvors(creven) godshuys de(n)/ selve(n) wile(n) janne boels quijtschout alle sine(n) v(er)letten pachte voirscr(even)/ en(de) betaelde den pachte vande(n) goede te spruyt en(de) dat tselve godshuys/ noch hem toegaf voe(r) tgoet te spruyt hondert en(de) drie [en(de) ene(n) halven g(ulden)] mottoene/ Tughende voert de vors(creven) drie p(er)sone dat si daer bi aen en(de) ov(er)/ wae(re)n omtrent der banck va(n) duffel daer de vors(creven) wile(n) jan boels/ / voe(r) drossate en(de) scepen(en) van duffel metten halme opdroegh ende/ verteegh de voirs(creven) goede tot behoef des voirs(creven) godshuys en(de) dat/ een vreemt man tot behoef des vors(creven) godshuys op die tijt tot de(n)/ de(n) selve(n) goeden qua(m) Dragende en(de) tughende voert de vors(creven) drie/ p(er)sone en(de) nomende met namen en(de) met toenamen den drossate/ ende de vier scepenen van duffel die op die tijt ov(er) de vors(creven) goe/ dinghe wae(re)n en(de) droeghen noch voert bi hae(re)n eede te(n) heylighen/ dat de vors(creven) drossate ende de scepen(en) alle doet wae(re)n Dese thoene/ aldus geschiet zijnde droeghen en(de) thoende(n) noch de scepenen/ van putte als ov(er)hoet en(de) overbanc d(er) scepen(en) va(n) duffel dat/ haerre banc recht claerlic wae(r) so wa(n)neer e(n)nige goedinge va(n) e(n)nige(n)/ goede(n) aldus geschiede gelijc vors(creven) steet en(de) de wethouders d(aer) af doet/ wae(re)n gelijc voe(r) v(er)claert steet en(de) dan voe(r) hen quaem twee goede/ ma(n)ne en(de) tuyghden dat si daer bi en(de) aen geweest hadde(n) daer/ de goedinge van e(n)nigen goeden geschiet wae(r) gelijc voirscr(even) steet/ dat sij dat na haerre banc recht in weerden houden souden en(de)/ dat dat hae(r) lantrecht wae(r) gelijc oft scepen(en) dat getuyght/ hadden En(de) tot allen desen thoe(n)nisse thoende noch de vors(creven) abdisse/ met scepen(en) van putte dat dat haerre banc recht wae(r) so v(er)re/ peysselic en(de) vredelic e(n)nige goede besate een jae(r) iii voeght ghe/ dinghe ii jae(r) en(de) vo vi voeghtgedinghe iii jae(r) en(de) ix/ voeghtgedinghe en(de) der jae(re) veel en(de) der daghe meer dat/ die als in sine p(ro)per heerbrachte goede sculdech is te bliven/ tot ewighen daghen Oec thoende de selve abdisse dat sij en(de)/[hae(r) godshuys] de voirs(creven) goede ov(er) xlvi jae(r) ende daghe peysselic beseten/ hadde Biedende de selve abdisse na den rechte d(er) stat van/ loeven tot allen desen hae(r) behout te doen dat sij en(de) hae(r)/ godshuys de voirs(creven) goede ov(er) xxx jae(r) ende daghe en(de) daer/ boven als des godshuys p(ro)per erve beseten hadde en(de) dat noch/ des vors(creven) godshuys p(ro)per erve wae(r) met alsulker behoeften als/ tvoirs(creven) godshuys van rechts weghen daer toe behoeven soude/ / met alrehande ande(re)n thoe(n)nisse redenen en(de) woerden die de vors(creven) abdisse/ daer toe dede segghen Ende op dwelc de vors(creven) arnt vander donck vele/ redenen met thoe(n)nisse die hi d(aer) toe dede segge(n) en(de) beleyde en(de) besunder/ dede lesen de thoe(n)nissen en(de) den register vand(er) stat van loeven daer in/ gescreven stonden de thoe(n)nissen [en(de)] p(ro)cessen vanden yersten vonnisse voirgheruert/ meynende en(de) hopende mids dien de vors(creven) arnt vander donck dat hi met/ den voirs(creven) sinen beleyde inde voirs(creven) goede bliven sal en(de) sculdech is te bliven/ Desen lesten gedinge aldus geschiet zijnde maende de meye(r) de scepenen/ van loeven die wijsde(n) voe(r) een vonnisse de p(ar)tijen inden hof daer de/ goede hoven recht ald(aer) te nemen en(de) te gheven bij also dat de renten/ vande(n) vors(creven) goede(n) bliven selen in gewarigher hant tot [de(n)] eynde vande(n)/ rechte cora(m) pynnoc milite lomb(ar)t abs(oloens) witteman vynck boys/ voshem des donredaeghs xxvii daghe in februario