Van joffr(ouwe) margriete(n) van wechle/ Item want gabriel tryapain diemen heet inden aer na den rechte der/ stat van loeven heeft tot sinen goeden doen leyden (christ)offels triapayn/ sinen brued(er) en(de) (christ)ianen de custe(re) en(de) daer na joffr(ouwe) margriet van/ wechle sijn gesellinne met een deel van hae(re)n vrienden en(de) maghen/ comen is biden rade vand(er) stat van loeven opdoende hoe de vors(creven)/ gabriel bi gebreke van sinen regimente metten voirs(creven) beleyde soude/ willen doen v(er)copen alle de goede die comen zijn vand(er) sijden der vors(creven)/ joffr(rouwe) m(ar)griete(n) zijns wijfs en(de) also der selv(er) joffr(ouwe) m(ar)griete(n) en(de) haerre beyd(er)/ kijnder tot ewighen daghen doen onterven Biddende daer om de/ vors(creven) joffr(ouwe) m(ar)griet den rade vander stat van loeven voirs(creven) dat sij hae(r)/ / en(de) hae(r) kijnt hier in besorgen woude(n) te dien eynde dat sij aldus/ niet ontgoedt noch onterft en worde(n) Ende de vors(creven) gabriel met vele/ en(de) langhe(n) redene(n) hier op antwordende en(de) seggende dat tvoirs(creven) sijn quaet/ regiment bi sinen sculden niet en wae(r) noch toe en quame mer dat de/ voirs(creven) joffr(ouwe) m(ar)griet sijn wijf daer af een p(ri)ncipael sake wae(r) gelijc/ hi dat wel bibrenghen soude met sinen huysgesinde en(de) ten eynde/ seggende en(de) ov(er)ghevende voe(r) den rade vander stat dat hi der voirs(creven)/ sijns wijfs goede die van hae(re)n weghen comen wae(re)n niet en/ woude noch en meynde te v(er)copen dan bi rade [en(de)] weten en(de) van/ hae(r) en(de) hae(re)n vrienden Met meer woerden die sij in beyde(n) side(n)/ daer toe seyden daerom eest dat de raet vand(er) stat uutsprac/ datmen der vors(creven) joffr(ouwe) m(ar)griete(n) goede mette(n) vors(creven) beleyde/ niet vercopen en so noch v(er)setten en sal ten si bi weten/ en(de) wille d(er) selv(er) joffr(ouwe) m(ar)grieten Biddende voert de(n) p(ar)tijen/

in beyden siden dat sijs na dov(er)gheven dat de vors(creven) gabriel/ selve d(aer) af ov(er)gaf Biddende voert den p(ar)tijen in beyden side(n)/ dat si bi haerre beyder vriende hier af vergade(re)n wouden en(de)/ doen doen de(n) ande(re)n dat man en(de) wijf malcande(re)n sculdech/ sijn te doen Act(um) in pleno consilio ultima die me(n)s(is) februarii/ anno xxxvii