It(em) h(er) robbeert van berchem biden gedoeghe ons he(re)n abdt des godshuys/ van vlied(er)beke in jeg(enwordicheit) d(er) scepen(en) van loeven gestaen heeft mechtich/ gemaect tot zijnen wed(er)roepen van wegen des voirs(creven) godshuys/ ja(n)nese vand(er) fonteynen van cortenaken meye(r) te zijn vanden leene/ des voirs(creven) godshuys gelegen te binckem en(de) d(aer) omtrent tot den/ selven leene te daghen te panden den p(ar)tien dien dat aengaen/ mach voer gebreck van heergeweeden en(de) ande(re)n rechten des/ voirs(creven) abdts recht dach te doen de mannen van leene des voirs(creven)/ abdts te manen en(de) voert alle voerderinge van recht te doen/ dat een meye(r) vanden leene sculdich es te doen Gelovende/ de voirs(creven) abdt vast en(de) gestentich te houden so wes de voirs(creven)/ jannes inde voirs(creven) saken als meye(r) doen sal Hier over wae(re)n/ joes absoloen en(de) denijs boys scepen(en) van loeven gegeven/ xviii dage in novembri int jaer ons he(re)n dusent vierhond(er)t/ en(de) sevenen(de)dertich