It(em) want stoet ende geschille opv(er)staen en(de) geresen wae(re)n tusschen he(re)n/ ende meest(ere)n janne bont doctoir in beyden rechten cancell(ie)r van/ brabant die voe(r) meye(r) en(de) scepen(en) van loeven gegoet en(de) geerft/ es in allen den goeden die wae(re)n gielijs wilen van diependale/ te wenxel en(de) daer omtrent gelegen en(de) desgelijx inde goede/ h(e)r(e)n jans wilen van dyependale priesters soens des voirs(creven) wilen/ gielijs en(de) h(e)r(e)n gheerde smans prioer des godshuys van grue/ nendale in zoenien in deen zijde ende he(re)n henricken vanden/ putte en(de) he(re)n woute(re)n eveloeghe priest(ere)n die na den rechte/ d(er) stat van loeven beleidt zijn tot den goeden des voirs(creven) wilen/ h(e)r(e)n jans van dyependale en(de) he(re)n henricken necker confessoer/ vanden godshuyse vanden xi[m] meeghden te loeven(e) opde/ halfstrate in dander zijde welken stoet en(de) gescelle es om/ der voirs(creven) goeden wille ende des daer aen cleven mach/ Soe eest dat de voirs(creven) p(ar)tien des comen sijn in tegewoir/ dicheiden der scepen(en) van loeven hier na genoemt ende sijn/ vanden voirs(creven) stoete en(de) geschille bleven en(de) hebben hen des/ mynliken gekeert in beyden zijden in seggers en(de) minlike/ yffeners Te weten inde he(re)n prioers ghijsbrecht van scoen/ hoven prioer vanden godshuyse van zevenborne ende h(er) henricken/ rumelants prioer vanden godshuyse vanden croene in h(e)r(e)n/ anthonijs vrythovis confesseur vanden godshuyse van sente agneten/ / lijsbetten bynnen bruessel en(de) in he(re)n janne zuernay confesseur/ vanden godshuyse van sente agneten bynnen thienen In alzulk(er)/ vuegen dat de voirs(creven) iiii seggers die informacie en(de) allet besceit/ dat de voirs(creven) p(ar)tien hebben vanden selven ov(er)nemen selen ende/ getuyghenisse op dats behoefde aenhoe(re)n hoir seggen en(de) uutsprake/ daer af seggen en(de) uutspreken selen tusschen dit en(de) ons(er) vrouwen/ lichtmisse nu naestcomende op dat sijs eens en(de) van accoerde co(n)nen/ geworden En(de) oft sijss alle vier niet eens en consten geworden/ so saelt doer gaen metten meesten gevolge van hen vie(re)n te/ weten vanden drien en(de) ofts de drie van hen niet eens en wae(re)n/ noch bynne(n) den voirs(creven) tide geworden en consten soe selen dan/ de voirs(creven) iiii seggers de voirs(creven) saken en(de) alle dbescheidt dat sij/ daer aff vanden voirs(creven) p(ar)tien overhebben selen ov(er)seinden en(de) ov(er)geven/ der generaeld(er) cap(it)len vander voir(creven) h(e)r(e)n ordenen te weten der/ cap(it)len van wynthem En(de) alse de voirs(creven) cap(it)le de voirs(creven) sake ende/ besceidt overheeft so sal sij daer af hoer uutsprake ende t(er)minacie/ uutspreken tusschen dan en(de) tsent jans misse daer naest vol/ gende ende seynden de selve uutsprake onder hoe(re)n gemeynen/ segel met enen p(ro)curreerd(er) die sij daer toe setten ende mechtigen/ sal de selve uutsprake bi hen uutgesproken es tusschen dan/

ende sente marien magdalenen dage daer naest volgende aen/ de scepen(en) van loeven en(de) c(er)tifice(re)n in wat vuegen de selve/ uutspraken bij hen uutgesproken es tusschen dan en(de) sente/ marien magdalenen dage daer naest volgende Ende hebben/ geloeft openbairlic beyde de p(ar)tien voirscr(even) vast bequame en(de)/ onv(er)brekelic te houden en(de) te voldoen wes de voirs(creven) iiii segg(er)s/ vanden voirs(creven) stote eendrechtichlic oft de drie van hen uut/ spreken selen oft tgheen des de voirs(creven) cap(it)le op dat dese sake/ voer hen quame daer af termine(re)n en(de) ond(er) hoe(re)n segel cer/ tifice(re)n sal Gelovende voert de voirs(creven) p(ar)tien dat sij ter stont/ na dat de voirs(creven) uutsprake biden voirs(creven) segg(er)s oft cap(it)len uut/ gesproken en(de) gec(er)tificeert sal sijn dat sij dan van nuws come(n)/ selen voer scepen(en) van loeven en(de) doen na uutwisen der selv(er)/ malcande(re)n behoerlike vesticheit also dat elc p(ar)tie daer mede/ tot eeuwegen dagen te vreden en(de) versekert sijn moege/ pynnoc abs(oloens) novembr(is) xxi