It(em) na dat and(er)wile een gedinge geweest heeft voer meye(r) en(de) scepen(en)/ van loeven inde banck aldaer tuschen roelove vander elst en(de) henricke/ van standinc diemen heet vanden beemde die geleidt sijn tot den goeden/ floreys van standinc dieme(n) heet vanden beemde en(de) peters smedekens in/ deen zijde en(de) jannes van hoemen clerck en(de) p(ro)curatuer vand(er) kisten/ des beghijnhoofs van mechlen in dande(re) Daer op die tijt tuschen de/ voirs(creven) p(ar)tien een gedinge was van seke(re)n goeden inde p(ro)chie van reet/ gelegen die bi langen vervolge biden vonnisse d(er) scepen(en) van loeven/ aengewijst worden den voirs(creven) roelove en(de) henricke van standinc/ en(de) hoe(re)n beleide gelijc tselve vonnis begrijpt en(de) inhielt En(de) daer/ te voe(re)n de voirs(creven) ja(n)nes van hoemen inden name d(er) voirs(creven) kisten/ oic op deen side en(de) de voirs(creven) floreys in dande(re) geloeft hadden dat/ so wie van hen ten eynde vander saken acht(er)vellich sijn soude/ / dat die alle de costen betalen soude die daer op comen en(de) g gaen/ souden En(de) de scepen(en) van putte den vonnisse d(er) scepen(en) van loeven/ voirscr(even) niet wed(er)staende dat nochtan vanden voirs(creven) goeden dleste/ vo(n)nisse was and(er) vo(n)nissen gewijst hebben svo(n)nis biden scepen(en) van/ loeven gewijst cleyn achtende en(de) voer dleste vo(n)nisse niet houden(de)/ gelijc de stat van loeven clae(r) kennisse daer af hadde so heeft/ de raet vand(er) stat allen desen aengesien get(er)mineert voer reden(en)/ en(de) bescheit dat de voirs(creven) kiste van mechlen de voirs(creven) costen betale(n)/ sall cor(am) kersmake(re) wynghe burgim(a)g(ist)ris cu(m) pleno consilio xxi[ma]/ die februarii a(n)no p(rese)nti