Cond zij allen liede(n) dat peter vanden bossche wonende te loven/ in jegenwordich(ei)[t] d(er) scepen(en) van loeve(n) gestaen heeft genome(n) en(de) be/ kendt dat hi genome(n) heeft va(n) brued(er) lodewijcke maes donaet des/ godshuys va(n) gruenendael inde(n) name en(de) va(n) wege(n) des vors(creven) godshuys/ de goede hier na bescreve(n) Inde(n) yerste(n) iii dachmael lants gelege(n)/ bide galghberch va(n) loeven tussche(n) tgericht en(de) de ziekerliede(n)/tus daer den voetpat doer gheet va(n) loeven te thienen wart/ tusschen de goede roelofs van b(er)them in beyde(n) siden It(em) een half boend(er)/ lants luttel min oft meer gelege(n) ald(aer) aen dand(er) side vand(er) st(ra)te(n)/ tussche(n) de goede lodewijcs va(n) oppendorp en(de) de goede jans vanden/ borchoven Te houden te hebbe(n) en(de) te wynne(n) van half merte/dae naest voerlede(n) ene(n) t(er)mijn van twelf jae(re)n lanc deen na/ dand(er) d(aer)na sond(er) myddel volgende elcs jaers daer en bynne(n) om/ drie mudde rogs goede en(de) payabel met wanne en(de) met vede(re)n/ wael bereydt d(er) mate(n) va(n) loeve(n) ts(in)te alle jae(re) hier en(de) [en] bynne(n)/ ts(in)te andries misse apostels te betale(n) en(de) te loeven ter h(er)b(er)ge(n) des/ vors(creven) godshuys te leve(re)n en(de) telke(n) t(er)mijn alse v(er)volghde schout/ en(de) sal de vors(creven) pet(er) vanden bossche de vors(creven) lande wel en(de) loflic/ wynne(n) meste(n) en(de) w(er)ve(n) gelijc sine(n) reengenote(n) bove(n) en(de) beneden/ de(n) vors(creven) t(er)mijn duerende pynnoc abs(oloens) martii x t(er)tia