It(em) jannes zeghers en(de) henr(ic) clone hebbe(n) getuyght op hoe(re)n eedt/ eendrechtichlic dat jan boels sij geweest hadde(n) [op ghist(ere)n] opt goet dairt/ gedinge om geweest heeft tusscen m(ijn) vrouwen van roesendale in/ deen zijde en(de) aerde vand(er) donc die bel(eit) es tot den goede(n) jans/ boels in dande(re) En(de) daer sagen sij dat jan boels [jans soen] thout hielp lade(n)/ ja(n) boels bouwens soen he(n)nen sijn soen hieuwent tgheen datt(er)/ gevelt was wout(er) wagema(n) stont hielpt oec lade(n) en(de) heyn boots/ voe(r)t ewech en(de) dair waes afgehouwe(n) wel xvii xvi of xvii/ stucke(n) en(de) dat brued(er) willem h ja(n)ne boels vraeghde wiet hem/ gehete(n) hadde Hij antwerde hij sout wel segge(n) dairs te doen wae(r)/b maer wout(er) wagema(n) seyde dat jan boels hem gebede(n) hadde/ dat hij hem helpe(n) soude en(de) wou tuyghde(n) oec dat wout(er) wagema(n)/ seyde dat hem sti jan steema(n) gebede(n) hadde dat hij hem ene(n) boom/ dieder stond wel vellen woude want hijte(n) hebbe(n) soude mocht hijten/ sond(er) calangie hebbe(n) en(de) die jan steema(n) es een scepen te duffle/ in pleno (con)silio m(ar)tii vii