Cond zij allen lieden dat adam goeswijns van myrlaer es come(n) in jeg(ewordicheit) (et)c(etera) ende/ heeft genomen en(de) bekendt dat hij genome(n) heeft van h(e)r(e)n henricken van lieshout/ canonck regulier en(de) cam(er)linc tgodsh(uys) van ev(er)bode inden name en(de) van/ wegen des selfs godshuys thof des selfs godshuys gelegen te doerne mett(er)/ thienden van doerne en(de) allen sinen toebehoerten uutgenomen de hoey/ thiende daer in de voirs(creven) wyn engheen recht hebben en sal Te houde(n)/ te hebben en(de) te wynnen van halfm(er)te dat was int jair ons he(re)n m cccc/ en(de) xxxiii ene(n) t(er)mijn van xii jae(re)n lanc deen na dand(er) sond(er) middel/ volgen(de) elcx jairs dae(re)n bynne(n) voir xl mudde roggen xiiii mudde even(en)/ elxc corens goet en(de) payabel met wa(n)ne en(de) vede(re)n wael bre bereit/ d(er) maten van diest en(de) voir xii pont was op sente andries/ misse ap(oste)ls te betalen en(de) te int voirs(creven) godsh(uys) of op een mijl nae al/ o(m)me den voirs(creven) godsh(uyse) daert den abdt vanden selve(n) godsh(uyse) best ge/ lieven sal te leve(re)n alle jaire den voirs(creven) t(er)mijn due(re)nde q(u)[o]l(ibet) ass(ecutu)m/ It(em) es vorw(er)de dat de voirs(creven) wyn alle jae(re) inleyden en(de) vuere(n) sal/ op sine(n) cost de hoeythiende van doerne sonder hem e(n)nich recht/ daer in te hebben en(de) dair bi so mach de voirs(creven) abdt alle jae(re) enen/ knecht seynden in des voirs(creven) wynne(n) cost om de voirs(creven) hoeythiende/ te hueden en(de) te verwae(re)n It(em) sal de voirs(creven) wynne alle jae(re) den/ voirs(creven) t(er)mijn due(re)nde setten xxv eycken poten op des voirs(creven) godsh(uys)/ goede de welke hij wassen(de) houden en(de) leve(re)n sal It(em) sal de voirs(creven)/ wyn alle jae(re) bynne(n) den [voirs(creven)] godshuyse doen xxv coerweyden van/ torven te vue(re)n vand(er) stat daerse gemaect solen werden tot int voirs(creven)/ cloest(er) It(em) es vorwerde dat de voirs(creven) wyn jairlix den voirs(creven) t(er)mijn/ due(re)nde betalen sal allen den tsijs uut den voirs(creven) hove gaende op/ sine(n) cost sond(er) afslach vand(er) voirs(creven) so(m)men It(em) sal de voirs(creven) wyn houde(n)/ alle beesten vanden houden ter helecht vande(n) voirs(creven) godsh(uyse) dats te/ weten allen hoe(re)nbeesten en(de) scape en(de) gheen ande(r) beesten houde(n) sij/ en selen oec allen ter helecht staen sond(er) alleen twee meerien/ It(em) sal de voirs(creven) wyn des voirs(creven) abds huysgesinde alle jae(re) gheve(n)/ inden uutdoen vanden voirs(creven) beesten ene(n) geld(er)s gulden en(de) desgelix/ in sinen incomen x halster corens eens It(em) sal de voirs(creven) wyn de/ huysinge de gestichten grechten en(de) thuynen wel en(de) loflic houde(n)/ en(de) maken en(de) also wel en(de) loflic laten geti(m)mert gedect gemaect/ gegrave(n) geloken gethuynt gevaeght en(de) gewracht te sijne(n) afsceide(n)/ en(de) daer toe sal hem de voirs(creven) abdt doen geve(n) en(de) leve(re)n hout en(de)/ yse(re)n werck en(de) allen den ande(re)n last sal de voirs(creven) wyn doen op sine(n)/ cost en(de) last maer wart dat yet van nuws te ty(m)me(re)n wae(r) off/ / geviele te ty(m)me(re)n daer toe soude de voirs(creven) abdt gheve(n) ende/ leve(re)n hout yse(re)n werck en(de) den werclieden de dachue(re)n betale(n)/ en(de) de voirs(creven) wynne soude den voirs(creven) werclieden vueden in/ sinen cost It(em) so wanneer m(ijn) he(re)n van ev(er)bode gesinde ge/ sellen of boden tot des voirs(creven) wynne(n) huys comen so salse/ de voirs(creven) wyn ontfangen op sinen cost En(de) voert sal de/ voirs(creven) wyn alle jae(re) den voirs(creven) t(er)mijn due(re)nde ophouden/ en(de) vueden vii calve(re) En(de) alle dese punten vorw(er)den condi/ cien en(de) geloften bove(n) bescr(even) heeft geloeft de voirs(creven) wyn/ den voirs(creven) godsh(uyse) wel en(de) volcomelic te voldoen e talle(n)/ tiden en(de) t(er)mijne(n) als die vallen en(de) verschine(n) selen en(de)/ telken t(er)mine alse vervolghde schout En(de) hier af sijn/ borgen des voirs(creven) wynne(n) als p(ri)ncipael sculde(re)n onge/ sund(er)t en(de) ongesceiden (et) jan [henrick] goessen henrix arnt go[e]ssen/ arnts jan goessen arnts jan putte allen van vorst op/ myrlaer jan henrick en(de) goessen soen des voirs(creven) wynne(n)/ de welke de voirs(creven) wyn geloeft heeft hier af scadeloes/ te houde(n) en(de) tontheffen cor(am) abs(oloens) voshem maii ix a(n)no/ xxxviii