Wij lodewijc pynnoc ridde(r) en(de) joes absoloens scepen(en) van loeven doen cond/ alle(n) liede want gheert van dieve(n) soen henrics wilen van dieve(n) and(er)wijl/ gecocht en(de) gecrege(n) heeft jegen tgodshuys van bethleem de goede van wijchmael/ met hae(re)n toebehoirte(n) gelijc seke(re) scepene brieve van loeven die de vors(creven) gheert/ d(aer) af heeft die goede begripe(n) en(de) inhoude(n) Daer om eest dat de vors(creven) gheert/ come(n) is voe(r) ons en(de) heeft gekendt en(de) gelijdt voe(r) hem sine erfgename(n)/ en(de) nacomelinghen in recht(er) erfkennissen dat hem vanden goede(n) vorscr(even) gelijc/ de voirs(creven) sijn brieve die begripe(n) vande(n) vors(creven) godshuyse goede en(de) volcomen ves/ ticheit gedaen en(de) geschiet es en(de) dat hi daer mede te vreden en(de) wail co(n)tent/ es bekennende voert voe(r) hem sijn erfgenamen en(de) nacomelinge(n) in rechter/ erfke(n)nissen als voe(r) dat hi nu en(de) tot ewigen daghen betalen sal en(de) sculdich/ is te betale(n) alle de(n) tsijs rente(n) en(de) erfpacht die uut de(n) vors(creven) goede ghinghen/ gelikerwijs dat tgodshuys van bethleem vorg(enoemd) die tsijse pachte en(de) renten plach/ te betalen doent noch de selve goede besatt tot opten dach dat gheert/ voirs(creven) die goede cochte en(de) v(er)creegh en(de) heeft geloeft de vors(creven) gheert voe(r) hem/ sine erfgename(n) en(de) nacomelinge(n) als voe(r) dat hi alle de renten tsijse en(de) erf/ pachte(n) voirs(creven) geheellic en(de) al en(de) elc besund(er) bloteliken en(de) alleen uut de(n) vors(creven)/ sine(n) goede(n) also die in sine scep(en)en brieve van loeve(n) begrepen sijn tot ewigen/ dagen gelden en(de) betale(n) sal gelijc dat tvoirs(creven) godshuys van bethleem die/ tsijse rente(n) en(de) erfpachte betaelt heeft tot opte(n) dach dat hi vande(n) selve(n)/ godshuyse die goede van wijchmael ten erfpachte genomen heeft sond(er)/ e(n)nighe ande(re) goede oft pande die yemant anders opte(n) dach van heden/ houdende mach zijn metten rechte oft anders dair inne te trecke(n) allen/ argelist hier in uutgescheide(n) In kennisse(n) d(er) waerheyt hebbe(n) wi lodewijc/ pynnoc ridde(r) en(de) joes absoloens onse zegele(n) aen dese(n) brief gehanghen/ Gegeve(n) sevenen(de)twintich daghe in oeghstmaent int jae(r) ons he(re)n/ m cccc en(de) sevenen(de)dertich