It(em) jan en(de) gheert vanden doren gebruede(re) soene jans vande(n)/ doren van he(re)nt in jeg(enwordicheit) d(er) scepen(en) van loeven(e) gestaen hebben/ bekent geloeft en(de) geconsenteert openbairliken dat machtelt/ en(de) m(ar)griete dochte(re)n des voirs(creven) jans vanden doren des vad(er)s/ en(de) margrieten sijns wijfs vad(er) en(de) moed(er) der voirs(creven) kijnde(re)n/ met hen gelijc deylen selen en(de) gelijc deel hebben brued(er)lic/ en(de) zusterlic in alle de goede beruerlic en(de) omberuerlic die/ bliven selen na de doet des voirs(creven) jans des vad(er)s en(de) m(ar)grieten/ sijns wijfs so waer de goede gelegen oft met wat namen/ die genoemt zijn uutgenomen die goede hier na bescr(even)/ Inden yersten huys en(de) hof met sijnre toebehoerten houden(de)/ iii dachmael oft d(aer) omtrent gelegen te he(re)nt ten dorne/ tuschen de goede des voirs(creven) jans vanden doren en(de) de strate/ aldaer It(em) iii dach(mael) n lants gelegen inde p(ro)chie van he(re)nt/ int roedeken tuschen de goede wouters van nethene(n) en(de)/ de h(er)strate aldaer It(em) (½) boend(er) lants gelegen aen de selve/ strate tuschen de voirs(creven) strate en(de) dande(r) goede des voirs(creven)/ jans vanden doren It(em) i dach(mael) lants gelegen ald(aer) tuschen/ de goede des voirs(creven) jans vanden doren aen beide zijden/ en(de) neven de goede jans diwouts Welke goede hier in/ uutgenome(n) en(de) staphans voirscr(even) men in leenschen rechte/ / houden(de) es Te weten tvoirs(creven) huys en(de) hof vanden abdt vande(n)/ p(er)cke It(em) de voirs(creven) iii dach(mael) lants van henricken van wincsele/ en(de) dand(er) ii stucken van woute(re)n roelants Gelovende de voirs(creven)/ gebrued(er)s den voirs(creven) hoe(re)n suste(re)n hier af altijt gnoech te/ doen wittema(n) voshem decembr(is) s(e)c(un)da