Van arnde woute(re)n en(de) kerstiane(n)/ vander donck gebruede(re)n en(de) janne/ mychiels hae(re)n zwag(er)/ Het sijn comen int recht voe(r) meye(r) en(de) scepen(en) van loeve(n)/ de voirs(creven) drie gebruede(re) en(de) hae(r) zwag(er) in deen side en(de)/ andries moens die na de(n) rechte d(er) stat van loeve(n) comen/ en(de) geleydt is kath(er)ine weduwe jans wilen vlemi(n)x die/ nu t(er)tijt wijf is jans trybout in dande(re) daer bedingt/ sijn de goede hier na bescreve(n) Inden yersten ene(n) beemdt/ gehete(n) tfijndereeusel gelege(n) te langdorp aende calsterst(ra)te/ tussche(n) de selve st(ra)te en(de) de goede lijsbetten bloems It(em) enen/ beemdt gehete(n) tvenne(n)broeck gelege(n) ten elsloeken tussche(n)/ de goede margriete(n) vleeminx en(de) de goede jans grieten/ en(de) pet(er)s heyns It(em) een stuck lants gelege(n) ter plaetsen/ gehete(n) vleminx tussche(n) de goede jans standarts en(de) jans/ vleminx It(em) een laghe wijngarts gelegen opte(n) scaetsberch/ tusschen de goede jans mychiels en(de) peter langvelts/ It(em) een laghe wijngarts gelege(n) opten selven berch tussche(n)/ / de goede jan standarts ende steeven bogarts It(em) een hoeve gelege(n)/ aen tdiepve(n)ne tusschen de strate aldaer en(de) de goede jans vleminx/ In alsulker voeghen dat beyde de p(ar)tijen na aensprake en(de) na v(er)antw(er)den/ gewijst worden tot sinen bethoen dwelc sij opten dach van heden/ delen daer onder den ande(re)n de voirs(creven) andries moens den vors(creven) drien/ gebruede(re)n en(de) hae(re)n zwag(er) bekendde dat hen inde helecht van alle/ de(n) goede(n) voirs(creven) uutgescheide(n) vanden fijndereeusel en(de) vand(er) heythoeve(n)/ hae(r) kijnsgedeelte volghen sal Also dat na aensprake na v(er)antw(er)de(n)/ na thoe(n)nisse na tkennisse en(de) na al dats voe(r) scepen(en) va(n) loeve(n) comen/ was de meye(r) van loeven maende de scepen(en) van loeve(n) die wijsde(n)/ voe(r) een vonnisse dat de(n) vors(creven) drie gebruede(re)n en(de) hae(re)n zwag(er) na/ tkenne(n) voirs(creven) hae(r) kijnsgedeelte indie voirgheruerde goede volgen sal/ en(de) dat de voirs(creven) heythoeve den voirs(creven) andriese en(de) sinen beleyde/ volgen sal En(de) alse vander heythoeve(n) vijnder eeusel setten de/ scepenen va(n) loeve(n) de p(ar)tijen inden hof daer die goede hoven/ recht ald(aer) te nemen ende te gheven p(rese)ntibus pynnoc/ lomb(ar)t absoloens witteman (et) ar(nol)[do] vynck scab(in)is lov(aniensibus)/ anno p(rese)nti februarii q(ua)rta