Van pauwelse van diependael/ It(em) van alsulken gedinge als geweest voe(r) meye(r) en(de)/ scepen(en) van loeven tusschen den vors(creven) pauwelse die/ na den rechte der stat van loeven come(n) en(de) geleydt/ tot alle den goeden beruerlic en(de) onberuerlic jans/ jans wilen van nederheem die men hiet vand(er)/ heyden natuerlic soone meest(er) jans wilen van/ nederheem soe wae(r) die goede gelegen zijn in deen/ side en(de) janne van nederheem witteghe brued(er) des/ vors(creven) jans wilen van nederheem in dande(re) Daer de/ vors(creven) jan van nederheem de vors(creven) goede aensprack/ mids saken vand(er) momborie(n) dat de vors(creven) wilen jan/ van nederheem den vors(creven) ja(n)ne sine(n) wittigen brued(er)/ momboe(r) vande(n) janne [van] he(n)neken vand(er) heyden sone/ des voirs(creven) wilen jans van nederheem noch ond(er) sijn/ daghe sijnde gemaect soude hebben met alrehande/ woerden die vors(creven) jan van nederheem in sijnre aen/ spraken dede rue(re)n Daer op de vors(creven) pauwels hem/ v(er)antwerde(n) ten slote v(er)suekende dat me(n) [hem] houden woude/ in sine(n) beleyde bi vele redene(n) die hi daer toe seyde/ Es tged tvo(n)nis na aensprake [en(de)] na v(er)antwerden (et)c(etera)/ datme(n) den voirsc(reven) pauwelse vande(n) vors(creven) goeden houden/ sal in sine(n) beleyde cor(am) pynnoc lombart abs(oloens) wittema(n)/ vynck boys vosheem m(ar)tii xxvii a(n)no xxxvii