En(de) is vorwerde dat de vors(creven) jan van gheele hem mette(n) vors(creven)/ brieve sal doen leyden tot de(n) goeden have en(de) erve des/ voirs(creven) jorijs op also eest dat de vors(creven) jorijs he(m) tot velpe(n)/ de(n) selve(n) janne betaelt c en(de) xlv grijpen te wete(n) thien/ stuyvers voe(r) elke grijpe gerekent mette(n) cost vande(n) beleyde/ en(de) brieve(n) tussche(n) dit en(de) kersmisse naist comende dat dan/ de vors(creven) jan van gheele de(n) vors(creve)n jorijse de vors(creven) brieve ter/wet stont ov(er)gheve(n) en(de) telivere(re)n sal En(de) op waert also/ dat de selve jorijs tvors(creven) ghelt de(n) vors(creven) janne also niet/ en betaelde datme(n) dan de(n) selve(n) janne de vors(creven) brieve ov(er)geven/ sal om hem d(aer) mede sijn schout voirg(eruert) aende vors(creven) goede/ te v(er)hale(n) so ter goed(er) meyni(n)gen en(de) sond(er) argelist eisd(em)