It(em) want stoet en(de) geschille opv(er)staen en(de) geresen is tusschen/ jannes van doerne soen mathijs van doerne in deen sijde/ en(de) janne den rike barbier va(n) zichne in dande(re) van seke(re)n/ vorw(er)den ven(de) comanscappe(n) alse vand(er) vorsterien van zichne die/ de vors(creven) jan de rike de(n) vors(creven) jannes van doerne v(er)hou v(er)huert/ soude hebben So sijn de vors(creven) p(ar)tijen des come(n) voe(r) scepen(en) van/ loeve(n) en(de) hebbe(n) hen vanden vors(creven) stote en(de) van allen ande(re)n sake(n)/ en(de) punte(n) die deen tot de(n) ande(re)n te segge(n) moge(n) hebbe(n) tot/ opte(n) dach toe va(n) heden gekeert en(de) gesubmitteert in segge(re)n/ en(de) vriendelike yffene(re)n te wete(n) in janne van beringhen en(de)/ janne de lu ghelovende de voirg(enoemde) p(ar)tijen vast en(de) gestedich/ te houden so wes de voirs(creven) segge(re)n vanden stote voirscr(even)/ eendrechtichlic segge(n) en(de) p(ro)nu(n)cie(re)n selen Dat gedaen de/ voirs(creven) jan van beringhen en(de) jan de lu sijn comen voe(r) scepen(en)/ va(n) loeven en(de) hebbe(n) hen hae(r) seggen vande(n) stote voirgher(uert) een/ drechtichlic geseeght en(de) uutgesproke(n) ind(er) manie(re)n hier na/ volgende Dats te weten dat de voirs(creven) jan de rike vander/ vorw(er)den en(de) hueringen voirscreve(n) en(de) van allen ande(re)n saken/ vorw(er)den condicien en(de) geluften die de selve jannes van doerne/ hem e(n)nichsins eysschende mach zijn tot opte(n) dach toe van/ hede(n) quijt en(de) ongehouden sijn sal op also dat de vors(creven)/ jan de rike betale(n) sal alsulken cost als de vors(creven) jannes/[en(de)] hi met haerre geselscap nu tot loeve(n) inde h(er)berghe/ gedaen hebben en(de) dat de vors(creven) jannes van doerne/ en(de) jan de rike van nu voertaen goede gevriende sijn/ sele(n) lomb(ar)t absoloens oct(obris) xxii