Item desen brief salme(n) gheven den voirs(creven) henricke(n) kemps de/ welke hem sal doen beleiden tot allen den goede(n) beruerlic en(de)/ omberuerlic des voirs(creven) mathijs ende aerts vande(n) hove ende/ als hij geleit es sal hij inde geheel goede omberuerlike goede/ goede(n) ene(n) die hem gelieve(n) sal en(de) die sal hem dan ter/ stont de selve goede geheelic en(de) al ov(er)gheve(n) den voirs(creven) henr(icken)/ kemps op den last dair voir uutgaende ende voirtaen op/ twee zester rogs goet en(de) payabel der mate(n) van hoeghstraten/ alle jae(re) tons(er) vrouwen daghe lichtmisse te betale(n) en(de) te mynder/ hout te leve(re)n voirtae den voirs(creven) gebruede(re)n voirtaen erflic om/ dair mede hoe(re)n wille te moegen doen Behoudelic dien/ datse de selve henr(ic) nae der voirs(creven) gebruede(re)n doet sal moge(n)/ bewisen aen ande(r) goede pande bynne(n) mynderhout gelege(n)/ Behoudelic oec dien oft de voirs(creven) henric kemp en(de) heylwijch/ sijn wijf beyde aflivich worden voer de voirs(creven) gebruede(re) sond(er) wit/ tighe geboirte van hoe(r) beyder live achter te late(n) dat dan de voirs(creven)/ goede weder om come(n) selen opde voirs(creven) gebruede(re) hoe(re)n vryen/ wille dair mede te doen eisdem