Van janne vand(er) biest/ Het sijn comen in recht voe(r) meye(r) ende scepen(en) van loeven/ inde banck aldaer jan vander biest van testelt die geleidt is/ tot den goeden rutghers wilen neerinx in deen side en(de) rombout/ vanden broeke die voe(r) meye(r) en(de) scepen(en) van loeven gegoedt ende/ gheerft is inde goede henric keld(er)mans in dande(re) daer tussche(n)/ de voirs(creven) p(ar)tijen inde rechte bedingt is geweest een zille/ beemds gelege(n) inde p(ro)chie van webbekem bide ned(er)molen tussche(n)/ de goede vand(er) infirmarien vanden beghijnhove van diest/ en(de) de goede tielmans beckers daer na aensprake/ en(de) v(er)antwerden de p(ar)tijen gewijst werden tot hae(re)n thoe(n)nisse/ Ten daghe van thoe(n)nisse den p(ar)tijen gesett thoende de/ voirs(creven) rombout vanden broeke ond(er) den ande(re)n dat de vors(creven) goede/ comen wae(re)n op een m(ar)griet wilen sgroten en(de) dat de vors(creven) henric/ keld(er)man een vanden naisten levenden wae(r) d(er) vors(creven) wile(n) m(ar)griete/ sgrote(n) en(de) dat de selve wilen margriet sgrote(n) ii jae(r) lang(er) leefde/ dan kath(er)ine wilen wierinx En(de) de vors(creven) jan vand(er) biest/ thoende metten register d(er) stat van loeven gelijc hi voe(r) gethoent/ hadde dwelc steet int boeck van xiiii[c] en(de) xxxiii nove(m)br(is)/ xxi also dwelc de wed(er)p(ar)tije des vors(creven) jans vand(er) biest/ inden recht ald(aer) ov(er)gaf dat hi metten register gestaen soude/ hoe wael nochtan des van ghenen node en was na dat de/ registe(re)n vander stat attentijck zijn Also dat de scepen(en) va(n) loeve(n)/ bi mae(n)nissen smeyers van loeven wijsden voe(r) een vonnisse/ na aensprake na verantw(er)den en(de) na thoe(n)nisse dat si bleven/ bi alsulken vonnisse als de scepene(n) va(n) loeven hae(r) voe(r)sete(n)/ daer voermaels afgewijst hadde(n) dwelc vo(n)nisse gescreve(n)/ steet inde(n) register vanden jae(r) en(de) daghe voe(r)gheruert/ p(rese)ntibus pynnoc milite judoco absoloens waltero/ witteman ar(nol)[do] vynck dyonisio boys et andrea/ de voshem scabinis lovan(iensibus) anno xiiii[c] xxxvii/ me(n)sis novembr(is) die duodecima