Van alzelken gescille als was tusschen pete(re)n yerpain werd inden/ rooeden leeu van lymbourgh te looven aen deene ende janne de/ joede wonende te loeven bijder vischmaerct met zinen borghen/ aen dande(r) zijden ter causen van zeke(re)n coepma(n)scapen en(de) geluften/ van heringhe d(aer)aff zeke(r) scepen(en) brieve gemaect ende gevo(n)nist/ zijn die dat volcomelic begrijpen de welke de vors(creven) pet(er) ov(er)heeft/ van janne mai(n)gnen coepma(n)ne van namen ind(er) zelv(er) manie(re)n/ en(de) rechte alsoe die den zelven janne maignen geloeft ende/ bekind wae(re)n bijden vors(creven) janne de joede (et)c(etera) Soe zijn de vors(creven)/ p(ar)tien v(er)eenicht en(de) veraccordert in des(er) vueghen dat de voirgenoe(m)d(e)/ jan de joede den vors(creven) pete(re)n voldoen en(de) leve(re)n zal van andw(er)pen/ tot hier te loeven vier la en(de) thalf last herincx na begrijp/ / zijnre brieven bij alsoe datt wat(er) opgheet en(de) bevaerlic zij Oft/ daer twat(er) gesloten bleve zo sal hij hem leve(re)n bynnen der/ stad van andwerpen den zelven herinc met coste co(m)me(r) redelik(er)/ en(de) gewoenlik(er) vracht d(aer)toe hooerende oft in ghelde ocht anders/ vernueghen en(de) zijn goede gemoede hebben Behoudelic in desen/ dat pet(er)s brieve in werden berusten zelen totten genoech doene/ van desen Twelke de vors(creven) jan de joede hem heeft geloeft te/ volvue(re)n en(de) te voldoene tusschen dit en(de) acht dage na d(er)tienmisse/ naestcomen(de) daer de vors(creven) pet(er) zijn consent toegedragen heeft/ cor(am) henrico de wincsele p(ro)nu(n)c substituto burgim(a)g(ist)ro p(ri)mo/ s(e)c(un)do burgim(a)g(ist)ro will(el)mo lombaert (et) alberto punde(re) decembr(is) iiii[ta]