Van lambrechte vanden bruele/ It(em) tvonnisse tusschen lambrechte vanden bruele van/ ov(er)wynde in deen side en(de) bellen ghielijs die na den rechte/ d(er) stat van loeven comen en(de) geleidt is tot de(n) goede(n) goessen/ goessens in dande(re) alse van vier groet roeden lants gelege(n)/ inde p(ro)chie van nederwynde aent cruysken aldaer tusschen de goede/ henrics rasp en(de) de goede peters van weer daer de vors(creven) bellen/ meyndde en(de) yesch dat hem de vors(creven) goede en(de) sine(n) beleyde volge(n)/ selen bi seke(re)n redene(n) en(de) bescheide dat hem die hi inden/ / rechte ald(aer) dede segge(n) der welker hi hem thoe(n)nisse v(er)mat dier hi niet/ en volqua(m) Daer op de vors(creven) lambrecht oec dede segghen dat hem/ tvors(creven) beleydt aende vors(creven) goede gheen ontstade doen en sal oec bi/ seke(re)n redene(n) daer hi hem thoe(n)nisse af vermat der welk(er) hi claerlic/ volquam Es dat de voirs(creven) bellen mette(n) voirs(creven) beleyde aende vors(creven)/ goede verdoelt is cor(am) absoloens wittema(n) vynck voshem dec(embris) xii