It(em) uut dien dat de tafle sheylichs gheests van sente mychiels/ te loeven erflic heeft [acht hollantsche gulden(en)] opt huys geheten tscep gelegen te loeve(n)/ op de vischmarct de welke de voirs(creven) henr(ic) van lyere ghe/ loeft heeft te quiten tot seke(re)n dagen die leden sijn daer/ voer welke afquitinge de voirs(creven) henr(ic) den voirs(creven) gulden(en)/ aer tond(er)pande gesett heeft So es tusschen de voirs(creven) p(ar)tien/ gevorwerdt dat den voirs(creven) brief van c en(de) viii riders ond(er)/ ons sal bliven liggen sonder dien den voirs(creven) henricken te/ gheven oft daer mede te behelpen ten sij dat hij te voren/ den voirs(creven) gulden(en) aer vanden voirs(creven) geluften van viii holl(antsche)/ gulden(en) af te quiten gelost sal hebben ende oft de voirs(creven)/ henric des niet en dade tuschen dit en(de) kersmisse naest/ comen(de) dat dan de voirs(creven) aert dat selve sal moegen doen/ met den voirs(creven) c en(de) viii gulden ryders op also dat hij den/ selven henricken inde voirs(creven) viii gulden(en) sal doen goeden/ eisd(em)