It(em) wout(er) smet gehete(n) borgelijn lauwreys uut(er) helcht en(de)/ wout(er) vand(er) hofstat hebben geloeft ind(ivisim) ja(n)ne uute(n) hove/ gehete(n) zeedele(re) vi den jongen vier last harinx vol (en)de zuet/ en(de) wel gepanct gepact mette(n) brande van antwerpen/ te s(in)te m(er)tens misse naestcomen(de) oft ombegr[e]pe(n) xiiii nacht/ dair nae te betale(n) en(de) te loeven(e) te leve(re)n als v(er)volghde scout/ p(ri)mus lomb(ar)t boys ja(nuarii) s(ecund)[a]