Item alse alle de voirs(creven) brieve uutgenome(n) den schoutbrief/[en(de) hectors brieve] selen gegeve(n) worden en(de) come(n) in handen he(re)n henr(ic) ru/ melants prioer vanden troen te dien eynde en(de) meyni(n)ge/ so wa(n)neer tghelt vanden xiii mudden rogs comen(de) bekeert/ sal sijn inden voirs(creven) orber en(de) soe wa(n)neer arnt brant jans/ soen voldaen sal hebben alsulken geluften en(de) vesticheit als/ behoert te gescien het sij int gheestlike oft . weerlike rechten/ om testament des voirs(creven) wilen h(ere)n aerts in sijnre volcomend(er)/ macht gehouden te werden Ende want de voirs(creven) vrouwe/

joha(n)ne sculdich es te hebben hoer tocht inde voirs(creven) goede/

sonder vanden voirs(creven) xiii mudden rogs gelast te sijn hoer/

leefdage langc hoewael men die gelijc voirscr(even) steet beke(re)n/

sal om die ziele des voirs(creven) h(e)r(e)n aerts te lossen So es oec/

bevorwert dat de voirs(creven) brieve des voirs(creven) jans bliven selen/

in handen des voirs(creven) prioers tot der tijt toe dat de voirs(creven)/

jan den executuers vanden testamente der voirs(creven) vrouwe/

joha(n)nen na hoir doet restitucie gedaen sal hebben alle/

jae(re) van xiii mudden rogs en(de) dat van also veel jae(re)n als/

die gehaven selen sijn vanden coepe(r) des voirs(creven) xiii mudd(en)/

rogs bynne(n) den leve(n)den live der vors(creven) vrouwe joha(n)nen oft d(aer)af/

wegen des te vreden sijn sal Ende dat al volschiet sijnde/

heeft geloeft de voirs(creven) prioer vander voirs(creven) vrouwe joha(n)ne(n)/

wegen des te vreden sijn sal alsulken vesticheit dat de/

voirs(creven) prioer vander voirs(creven) vrouwe joha(n)nen wegen des te/

vreden sijn sal Ende dit al volschiet sijnde heeft geloeft / de voirs(creven) prioer den voirs(creven) ja(n)ne brant sijn voirs(creven) brieve/ hem vanden voirs(creven) goeden dienende weder te gheven en(de)/ also schie(re) als de vesticheit vanden voirs(creven) xiii mudden/ rogs gesciet sal sijn soe salmen den voirs(creven) schoutbrief/ en(de) dbeleit daer af te nyeute doen eisdem cor(am) eisde(m)