Van arnde van tolifa/ Het sijn comen in recht voe(r) meye(r) en(de) scepen(en) van loeven inde banck/ ald(aer) de voirs(creven) arnt van tolifa in deen zijde en(de) joffr(ouwe) odilie van/ pilicp(ar)t weduwe goessens wilen van zelke inden name van/ arnde van zelke hoe(re)n sone noch onder ho zijn dage sijnde in dande(re)/ daer de voirs(creven) joffr(ouwe) odilie den voirs(creven) aerde van tolifa aensprack/ van dat hij als momboir joffr(ouwe) m(ar)grieten vanden kerchove sijns/ wijfs opgehaven soude hebben bynnen der stat van diest aen/ henricke van blankelaer vijftich oft tween(de)vijftich scilde die hij/ niet sculdich en wae(r) op te heffen gemerct dat de scepen(en) brieve/ van loeve(n) bynne(n) den vryen steden als diest es gheen macht/ en hadden noch sculdich en wae(re)n te hebben Maer seide de voirs(creven)/ joffr(ouwe) odilie dat hoe(r) inden name vanden voirs(creven) arnde hoe(re)n sone/ tvoirs(creven) gelt volgen sal na dien dat de voirs(creven) arnt een wittich/ oer ende erfgename wae(r) van arnde wilen van zelke/ / sijne(n) oem dien dit gelt toebehoerde gelijc sij dat van grade/ te grade boot te thoenen Daer op de voirs(creven) arnt van tolifa hem/ verantwerde en(de) dede inden rechte ald(aer) lezen seke(r) scepen(en) brieve van/ loeven daer mede h joffr(ouwe) m(ar)griete vanden kerchove sijn wijf ge/ cocht en(de) vercreghen hadde alle de haeflike goede beide vlieghende/ erve en(de) ande(r) die wae(re)n des voirs(creven) wilen arnts van zelke Seggen(de)/ ten slote de voirs(creven) arnt van tolifa dat hem mids sijne(n) scepen(en) brieve/ voirscr(even) en(de) mids meer ande(re)n redene(n) die sij d(aer) toe deden seggen/ de voirs(creven) aensprake gheen ontstade doen en soude Alsoe dat/ na desen de meye(r) van loeven maende de scepen(en) van loeve(n)/ die wijsden voer een vo(n)nisse dat alsulken aensprake als de/ voirs(creven) joffr(ouwe) odilie tot den voirs(creven) arnde van tolifa gedaen hadde/ den selven aerde gheen onstade doen en soude cor(am) pynnoc/ lombart abs(oloens) wittema(n) vynck boys voshem februarii viii